Ўзбекистон Республикаси Президентининг 2017 йил 12 сентябрдаги “Республика банк тизимини ривожлантириш ва барқарорлигини ошириш бўйича чора-тадбирлар тўғрисида”ги ПҚ-3270-сонли қарори ижросини таъминлаш мақсадида, Ўзбекистон Республикаси Марказий банки, Халқаро молия корпорацияси, Ўзбекистон савдо-саноат палатаси ва Норма ривожланиш маркази билан ҳамкорликда хорижий мутахассисларни жалб қилган ҳолда аҳоли ва банк ходимларининг молиявий саводхонлигини ошириш вазифалари юклатилган.
Шунингдек, Ўзбекистон Республикаси Президентининг 2018 йил 23 мартдаги “Банк хизматлари оммабоплигини ошириш бўйича қўшимча чора-тадбирлар тўғрисида”ги ПҚ-3620-сонли қарори ва 2018 йил 8 февралдаги “Аҳоли, кичик бизнес ва хусусий тадбиркорлик субъектлари вакилларининг молиявий саводхонлигини ошириш дастури”га мувофиқ, Ўзбекистон банклари ассоциацияси маҳаллий давлат ҳокимияти органлари билан ҳамкорликда хорижий мутахассисларни жалб этган ҳолда аҳолининг молиявий саводхонлигини ошириш юзасидан Меморандум имзолади, ушбу ҳужжат асосида тегишли чора-тадбирлар ишлаб чиқилган.
Мазкур чора-тадбирлар ижросини таъминлаш борасида банк ходимларининг молиявий саводхонлигини ошириш юзасидан “Трастбанк” ва “Норма” профессионал ривожланиш маркази ўртасида имзоланган келишувга асосан, марказ қошидаги Direktor.uz сайтида Трастбанкнинг 150дан ортиқ банк ходимлари электрон тарзда молиявий саводхонликларини оширдилар.
Бугунги кун ҳолатига, Амалиёт бошқармасидан 13та, “Дархон” филиалидан 2та, Самарқанд филиалидан 16та, Андижон ва Наманган филиалларидан 13та, Қарши филиалидан 9та, Фарғона филиалидан 7та ва бошқа филиалларни қўшиб ҳисоблаганда жами 70дан зиёд банк ходимлари ўзларининг молиявий саводхонликларини ошириб, тегишли сертификатларни олдилар.
Шу билан бирга, бугунги кунда банк ходимлари ўз мижозларининг молиявий саводхонлигини ошириш мақсадида уларнинг “Норма” профессионал ривожланиш маркази қошидаги Direktor.uz сайтига аъзо бўлишларига кўмаклашмоқда.
“Трастбанк” ходимларига сертификатлар топширилди