Бунга албатта, вақт ва манзил талаб этмайдиган масофадан туриб кўрсатилувчи хизматларнинг тобора такомиллашиб бораётгани муҳим омилдир. Ҳаётимизнинг ҳар бир жабҳасида бўлгани каби банк тизимида ҳам мазкур масофадан хизмат кўрсатиш тизимини ҳаётга кенг жорий этишга бўлган имкониятлар ошиб бормоқда. Ушбу имконият ва шароитдан унумли фойдаланаётган молия муассасаларимиз қаторида эса ўтган йил декабр ойидан ўз фаолиятини йўлга қўйган “INVEST FINANCE BANK”хусусий очиқ акциядорлик-тижорат банкини алоҳида эътироф этиш ўринлидир. Зеро, мазкур банк юртимизда биринчилардан бўлиб ўз фаолият йўналишининг асосий мезони сифатида айнан масофадан хизмат кўрсатиш тизимини такомиллаштиришга алоҳида аҳамият қаратгани билан эътиборга молик. Шу боис, биз банкнинг ушбу йўналишдаги фаолияти билан яқиндан танишиш мақсадида “InFinBank” ХОАТБнинг чакана банк хизматлари департаменти бошлиғи Камола Салиховани суҳбатга чорладик.
“Infinbank”: масофавий хизматлар бозорининг фаол иштирокчиси