Венесуэлада инфляция йил бошидан буён 1 600%га етди

09.08.2019

Венесуэлада инфляция июль ойида 33,8%ни ташкил этди, жорий йил бошидан эса деярли 1,6 минг фоиз ошди. Бу маълумотларни пайшанба куни Венесуэла Миллий ассамблеясининг (бир палатали парламентдаги) молия ва иқтисодий ривожланиш масалалари бўйича доимий қўмитаси омма эътиборига ҳавола қилди. Қонун чиқарувчи орган ҳукумат сиёсий мухолифларининг назорати остида турибди.

 Парламентарийларнинг ҳисоб-китобларига кўра, июль ойида нархлар йиллик ифодада 264 минг фоизга ошган, бу олдинги ойлардагига қараганда пастдир. 

 «Гиперинфляция сақланиб турибди, кўрсаткичларнинг пасайиши эса (товар ва хизматларга) талабнинг жорий йил давомида 35%га тушиши билан бевосита боғлиқдир», — олинган маълумотларни шундай шарҳлади қўмита аъзоси Альфонсо Маркина.

 Жанубий Америка мамлакати сўнгги йилларда миллий валютанинг девальвацияси билан бирга давом этаётган кучли ижтимоий-иқтисодий инқирозни бошдан кечирмоқда. Халқаро валюта жамғармаси йил охирига бориб Венесуэладаги инфляция 10 млн фоизгача етиши мумкинлигини башорат қилаётир.

Манба: ТАСС

O'xshash yangiliklar
Июль ойида АҚШ бюджети дефицити 119,7 млрд долларни ташкил этди

14.08.2019

Июль ойида АҚШ бюджети дефицити 119,7 млрд долларни ташкил этди

Данияда бепул ипотека беришни бошлашди

13.08.2019

Данияда бепул ипотека беришни бошлашди

Трамп доллар курсининг мустаҳкамланаётганидан норози

09.08.2019

Трамп доллар курсининг мустаҳкамланаётганидан норози



Orphus tizimi