Логотип Bank.uz
КУРСЫ ВАЛЮТ ЦБ РУз
USD 10.12 9537.55
EUR 10.12 10545.67
RUB 10.12 149.88
КУРСЫ ВАЛЮТ
КОММЕРЧЕСКИХ БАНКОВ
Банк USD EUR
KAPITALBANK 9400/50 9890/990
UZPSB 9350/20 10200/450
NBU 9350/30 10320/520
"Трастбанк" ЧАБ Операционное управление
Данные организации Услуги Филиалы Минибанки Схема проезда

Экспортни ривожлантириш йўлидаги манфаатли ҳамкорлик
13.09.2019
Выбор языка: ru  

Жорий йилнинг 11 сентябрь куни Ўзбекистон ва Россия расмий ҳамда ишбилармон доира вакиллари ўртасида ўзаро манфаатли иқтисодий алоқаларни мустаҳкамлаш, товарлар ва хизматлар экспорти ҳажмини тубдан ошириш, экспортбоп маҳсулотлар номенклатурасини кенгайтириш, ташқи савдо мувозанатини таъминлаш ва валюта тушумини кўпайтириш мақсадида“Трастбанк” хусусий акциядорлик банки, Ўзбекистон Республикаси Товар хомашё биржаси ва Транскапиталбанк (Россия) ҳамкорлигидаги Матбуот анжумани бўлиб ўтди.

Матбуот анжуманида “Трастбанк” хусусий акциядорлик банки ва Ўзбекистон Республикаси Товар хомашё биржаси раҳбарияти, “Транскапиталбанк” (Россия), Санкт-Петербург халқаро товархомашё биржаси, Россия экспорт маркази раҳбарияти, Ўзбекистон Республикасининг вазирлик ва идоралари вакиллари, Ўзбекистон ва Россия тадбиркорлари ҳамда трейдерлари иштирок этди.

Ўзбекистон Республикаси Товар хомашё биржаси ва “Трастбанк” хусусий акциядорлик банки билан ҳамкорликда ташкил этилган мазкур анжуман Ўзбекистон Республикаси Президентининг 2018 йил 20 декабрдаги “Экспортга кўмаклашиш ва уни рағбатлантиришни кучайтириш чора-тадбирлари тўғрисида”ги қарори ижроси доирасида, “Экспорт йўналишида тузилган биржа битимлари бўйича ҳисоб-китоблари “ЎзРТХБ” АЖ, “Трастбанк” ХАБ ва “Транскапиталбанк” АЖ ҳамкорлигида тузилган лойиҳани амалга оширилиши” мавзусига бағишланди.

IMG_1923.jpg

Тадбир давомида 2019 йилнинг 30 майида Урганч шаҳрида бўлиб ўтган Россия ва Ўзбекистон ҳукуматлари раҳбарлари даражасидаги қўшма комиссиянинг биринчи йиғилиши қарори билан белгиланган вазифаларни амалга ошириш доирасида икки мамлакат ўртасида маҳсулот экспортини кўпайтириш, биржа савдоси механизмларидан фойдаланишни ҳисобга олган ҳолда янги маҳсулот бозорини ривожлантириш, миллий валютада ҳисоб-китобларни амалга оширишни йўлга қўйиш мақсадида “Трастбанк”(Ўзбекистон), “Транскапиталбанк (Россия) ва Республика Товар хомашё биржаси ўртасида ҳамкорлик алоқалари тўғрисида имзоланган Меморандумга кўра, Россия Федерацияси билан Ўзбекистон Республикаси ўртасида савдо-сотиқни амалга оширувчи хорижий мижозлар учун банкларнинг ўзаро вакиллик ҳисобварақлари орқали ҳисоб-китоб операцияларини амалга ошириш механизми жорий этилгани қайд этилди.

Хусусан, “Трастбанк” ва “Транскапиталбанк” ўзаро ҳамкорликда алоҳида инфратузилма яратганлиги ҳамда Республика Товар хомашё биржаси учун “Транскапиталбанк”да АҚШ доллари, Евро ва Россия рублида қўшимча вакиллик ҳисобварақлари очилганлигига алоҳида тўхталиб ўтилди.

IMG_1952.jpg

Шунингдек, валюта соҳасини тартибга солишнинг бозор механизмларини жорий қилиш, республикада экспорт салоҳиятини оширишни рағбатлантириш, тўғридан-тўғри хорижий инвестицияларни фаол жалб қилиш, маҳаллий ишлаб чиқарувчиларнинг ташқи ва ички бозордаги рақобатбардошлигини ошириш, мамлакатимизда инвестиция ва ишбилармонлик муҳитини мустаҳкамлаш масалалари муҳокама қилинди.

Анжуман давомида Республика Товар хом ашё биржаси ва “Трастбанк” хусусий акциядорлик банкининг ўзаро муносабатлари, мижозлар билан ўрнатиладиган алоқалар ва уларнинг ўзига хос эҳтиёжларини ҳисобга олган ҳолда банк ва мижоз ўртасида ўрнатиладиган ўзаро манфаатли ҳамкорлик натижалари юзасидан тақдимот ўтказилди.

Мазкур анжуман биржа ва банк вакиллари ҳамда Россия Федерацияси ва Ўзбекистон Республикаси ўртасида яқин ҳамкорлик алоқаларини йўлга қўйиши, қолаверса экспорт ҳажмини салмоқли ўсишини таъминлашда тадбиркорликни муваффақиятли ривожлантириш учун қулай шарт-шароитлар яратиш, мижозларнинг биржа савдоларидаги иштирокида гаров депозитларини кредитлаши борасидаги муҳим шартларини амалга оширишда яқин мулоқот ўрнатиш учун кенг имконият яратди.

P.S: Тадбиркорларнинг экспорт фаолиятини оптималлаштириш ва қўллаб-қувватлаш мақсадида, бугунги тадбирда тақдим этилган кафолат тўловларининг янги механизми ва Ўзбекистон Товар хомашё биржасида тузилган экспорт шартномалари бўйича ҳисоб-китоблар мутлақо бепул ва тўловларни ўтказиш билан боғлиқ харажатларни ўз ичига олмайди.



Версия для печати
Прочитано: 152 раз(а)   |  Средняя оценка (макс. 7): нет

В этой теме действует премодерация комментариев.
Вы можете оставить свой комментарий.
Гость_
Антибот:
- Сайт модерируется. Из комментариев удаляются бессмысленные, оскорбительные или не относящиеся к теме обсуждения.
Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «Norma».
Все имущественные права на сайт принадлежат ООО "Norma".
Адрес: 100005, Узбекистан, г. Ташкент, ул. Таллимарджон , 1/1
e-mail: info@bank.uz
Любое копирование материалов сайта возможно только с активной гиперссылкой на Bank.uz;
в остальных СМИ – ссылка на Bank.uz как на источник информации.

© ООО «Norma»; 2019. Все права защищены.

Рейтинг@Mail.ru Курс у.е. в онлайн-магазинах 18+