Fitch Ratingsнинг салбий рейтинглари йил бошида пасайгани қайд этилди

Fitch Ratings томонидан тайёрланган пресс-релизда қайд этилишича, агентликнинг 2009 йилнинг I чорагидаги салбий рейтинг кўрсаткичлари ҳали ҳамон юқори бўлсада, улар 2008 йилнинг IV чорагига нисбатан пасайган.

Бугун чоп этилган пресс-релизда Fitch Ratings рейтинг агентлиги томонидан 2009 йилнинг I чорагида 188 та салбий рейтинг берилганлиги қайд этилган. Бу кўрсаткич 2008 йилнинг IV чорагида 266 та салбий рейтингни ташкил этган эди. Хусусан, 2009 йилнинг илк чорагида Fitch Ratings ривожланган бозорларда бир неча ижобий рейтинглар берди.

Гарчи 2009 йилнинг илк чорагида берилган салбий рейтинглар 2008 йилнинг сўнгги чорагига нисбатан камроқ кўрсаткичга эга бўлсада, туширилган рейтинг кўрсаткичлари қисман ошди. Агар ўтган йилнинг сўнгги чорагида 105 та туширилган рейтинг кўрсаткичлари бўлган бўлса, 2009 йилнинг илк чорагидаги бу кўрсаткич 109 тани ташкил этди. Лекин кўтарилган рейтинглар ўтган йилнинг сўнгги чорагидаги 6 тадан 8 тага ошган.

Шунингдек, дунё банкларининг узоқ муддатли дефолт рейтинглари бўйича салбий башоратлар ҳам юқори кўрсаткичлар сақланиб қолмоқа. Глобал миқёсдаги “Салбий” башоратлар билан “Ижобий” башоратлар нисбати эса 2008 йилнинг IV чорагидаги 9,6 га 2009 йилнинг I чорагида 16,2 ни ташкил этди.