АҚШ федерал бюджетидаги камомат 31 июлда якунланган 2008—2009 бюджет йилининг 10 ойи мобайнида рекорд кўрсаткичка етди. Яъни, 1,267 трлн долларни ташкил этди. Бу ўтган йилга нисбатан уч карра кўпроқ демакдир. Бу рақамлар мамлакат молия вазирлиги томонидан чоп этилган маълумотларга асосланади.
Бюджет камомати июль ойида 180,68 млрд долларга етган. Бу эса бир ой учун рекорд кўрсаткич эди. Молия вазирлиги томонидан аниқлик киритилишича, бюджетдаги камоматни келтириб чиқараётган омиллардан бири, ҳукумат томонидан жаҳон молиявий-иқтисодий инқирозига қарши курашиш учун йирик миқдордаги маблағлар ажратилаётганидадир.
Эслатиб ўтамиз, президент Барак Обама Оқ уй маъмурият томонидан 2009 йилдаги бюджет камоматини 1,75 трлн доллар даражасида ушлаб туриш режалаштирилаётганини айтиб ўтган эди.
АҚШ федерал бюджетидаги камомат 10 ой мобайнида қарийб уч карра ортган