Жаҳоннинг кўпгина мамлакатлари молиявий-иқтисодий инқирозни бошдан кечираётган ҳозирги даврда “Микрокредитбанк”нинг капиталлашув даражаси янада оширилди – устав жамғармаси 150 млрд. сўм миқдорида белгиланди. Президентимиз Фармонга биноан тадбиркорлик фаолиятини бошлаш учун кичик бизнес ва хусусий тадбиркорлик субъектларига бериладиган имтиёзли микрокредитларнинг максимал фоиз ставкаси йиллик – 3 фоизни, кўрсатиладиган микролизинг хизматларининг максимал фоиз ставкаси йиллик – 5 фоизни ҳамда кичик бизнес субъектлари фаолиятини кенгайтириш ва айланма маблағларни тўлдириш учун бериладиган микрокредитларнинг максимал ставкаси – 7 фоизни ташкил этмоқда.
Фақатгина жорий йилнинг ўтган ойлари давомида Қашқадарё вилоятининг Косон туманида яна қўшимча 2 та минибанк ва Касби, Яккабоғ ҳамда Миришкор туманларида 3 та агентлик ўз ишини бошлади.
Банк устав капиталига қўшилган ресурслардан кичик бизнес ва хусусий тадбиркорлик субъектларини баҳраманд этиш учун банк 2009 йилга мўлжаллаб махсус Дастур тузган эди. Унга биноан шу йил мобайнида Қашқадарё вилоятига 8,1 млрд. сўм миқдорида микромолиявий хизматлар кўрсатилиши белгиланган. Ушбу маблағлар вилоятнинг 1 064 та қишлоқ аҳоли пунктларига кириб бориши кўзда тутилган.
Жорий йилнинг ўтган 6 ойининг ўзида бу субъектларга ажратилган имтиёзли микромолиявий хизматлар миқдори 11 млрд. 100 млн. сўмга етди. Жорий йилнинг 6 ойидаёқ кичик бизнес ва хусусий тадбиркорлик субъектларига кўрсатилган микромолиявий хизматлар миқдори йиллик ўрнатилган прогноз кўрсаткичга нисбатан 1,4 мартага ошди.
Бу кўрсаткич ўтган 2008 йил давомида кичик бизнес ва хусусий тадбиркорлик субъектларига кўрсатилган микромолиявий хизматларга нисбатан 1,5 баробарга, ўтган шу даврда ажратилган кредитлар ҳажмига нисбатан 2,9 баробарга кўп.
Анжуманнинг энг муҳим тадбирларидан бири – Қарши шаҳри марказидаги боғда “Микрокредитбанк” сармоялари ҳисобига ташкил этилган кўргазма бўлди. Уни тамоша қилган ишбилармонлар қанча ҳажмдаги маблағ эвазига қандай махсулотлар яратилгани тўғрисида атрофлича маълумотлар олдилар. Бу сингари ахборотлар тадбиркорликка қадам қўяётган ишбилармонлар учун ғоят ибратли ва қимматлидир.
09.09.2019
“Ўзсаноатқурилишбанк”нинг махсус бўлими очилди
14.02.2011
Muvaffaqiyatli mikromoliyalash kaliti: yanada yaxshi natijalarga erishish uchun boshqarish san`ati
11.02.2011
Муваффақиятли микромолиялаш калити: янада яхши натижаларга эришиш учун бошқариш санъати
Банк-молия тизимига қўшимча заҳиралар