Bank mijozlari va hamkorlari diqqatiga!

Joriy yilning 19 va 20 mart kunlari «Asia Alliance Bank» ATB valyuta birjada (UzRVB) amalga oshiriladigan xorijiy valyutani sotib olish va sotish bo'yicha savdolarda ishtirok etmadi.

Biroq mijozlarning xorijiy valyutani sotib olish bo'yicha talablari valyuta birjasidan (O'zRVB) tashqarida amalga oshirilib, ehtiyojlar to'liq qondirilib borildi.

Nazoratchi muassasa tomonidan cheklovlar qo'yish sabablari to’liq va chuqur o’rganilib chiqilgach, 2019 yil 25 martdan boshlab «Asia Alliance Bank» ATB valyuta birjasidagi (UzRVB) savdo sessiyalarida qatnashishiga va bank tomonidan normal faoliyatni davom ettirishiga ruxsat berildi.

«Asia Alliance Bank» ATB o'z mijozlari va hamkorlarining ishonchini yuqori baholaydi va ulardan bankni qo'llab-quvvatlashganligi uchun o’z minnatdorchiligini bildirdi!