O’zbekiston Respublikasi Prezidenti Shavkat Mirziyoyev 2020-yil, 23-sentabr kuni BMT Bosh Assambleyasining 75-sessiyasida nutq so’zladi.

Videokonferensiya shaklida o’tgan BMT Bosh Assambleyasi 75-sessiyasida Prezidentimiz BMT shafeligida Pandemiyalar davrida davlatlarning ixtiyoriy majburiyatlari to’g’risidagi xalqaro kodeksni ishlab chiqishni taklif etdi.

Shuningdek Davlatimiz rahbari o’z nutqida yurtimizda yoshlar siyosatida amalga oshirilayotgan islohotlarga ham alohida to’xtalib o’tdi:

“Mamlakatimiz aholisining yarmidan ko‘pini yoshlar tashkil etadi. Respublikamizda har bir yigit-qizning jamiyatda munosib o‘rin egallashi va o‘z salohiyatini namoyon etishi uchun ulkan ishlar amalga oshirilmoqda. O‘zbekistonda Yoshlar parlamenti, Yoshlar ishlari agentligi faoliyat ko‘rsatmoqda. Fursatdan foydalanib, yana bir bor Yoshlar huquqlari to‘g‘risidagi Birlashgan Millatlar Tashkiloti konvensiyasini qabul qilish bo‘yicha O‘zbekiston tashabbusini qo‘llab-quvvatlashga chaqiraman.”