Ўзбекистон Республикаси Ташқи иқтисодий фаолият Миллий банки бошқаруви раисининг ўринбосари Б. Нуруллаев билан мулоқот чоғида мамлакатимизда Президент Ислом Каримов ташаббуси билан бошқа соҳалар сингари банк-молия тизимида амалга оширилаётган изчил ислоҳотлар юксак самаралар бераётгани, бу эса хорижий ҳамкорлар билан алоқаларни янада ривожлантиришда муҳим омил бўлаётгани алоҳида таъкидланди.
Осиё тараққиёт банки 1995 йилдан буён қатор соҳаларга сармоя киритиш орқали юртимиздаги иқтисодий ислоҳотларни қўллаб-қувватлаб келмоқда. ОТБ билан ҳамкорлик самараси таълим, табиий ресурсларни ўзлаштириш, қишлоқ хўжалиги, транспорт ва транспорт коммуникациялари, соғлиқни сақлаш, банк-молия, саноат, савдо, энергетика каби соҳалардаги ўзгаришларда, айниқса, яққол кўзга ташланади.
ОТБ 2006 йилнинг март ойида Ўзбекистон учун 2006-2010 йилларга мўлжалланган ҳамкорлик стратегияси ва дастурини тасдиқлаган.
Шу кунга қадар мазкур халқаро молиявий ташкилот мамлакатимизга бир миллиард А£Ш долларидан зиёд миқдорда кредит ажратди. Бу маблағлар транспорт инфратузилмаси, энергетика, қишлоқ хўжалиги, коммунал хўжалик, кичик бизнес ва хусусий тадбиркорлик, шунингдек, умумий, ўрта махсус, касб-ҳунар таълими каби соҳалардаги стратегик аҳамиятга молик 25 лойиҳа ижросига йўналтирилган. Бундан ташқари, техникавий ёрдам тариқасида умумий қиймати 72 миллион долларга тенг грантлар тақдим этилган.
Юртимизда ОТБ билан биргаликда босқичма-босқич амалга оширилаётган лойиҳалар ўзаро ҳамкорликнинг изчил ривожланаётганидан далолатдир. Шу ўринда Осиё тараққиёт банки Марказий Осиё минтақавий транспорт йўлагининг бир қисми ҳисобланган асосий автомагистрални ривожлантириш учун ўзбекистонга 75,3 миллион А£Ш доллари миқдорида маблағ ажратганини қайд этиш жоиз. Бу маблағ “¢узор-Бухоро-Нукус-Бейнов” автомагистралининг Ўзбекистонни £озоғистон, Афғонистон ва Туркманистон билан боғлайдиган узунлиги 1204 километрли қисмини ривожлантиришга йўналтирилади.
- Ўзбекистон - улкан иқтисодий салоҳиятга эга мамлакат, - деди Кюнг-Хо Ким. - Осиё тараққиёт банки мамлакатингиз билан ҳамкорликни юксак қадрлайди. Ташриф асносида мамлакатингизда ОТБ билан ҳамкорликда ишлаб чиқилган қўшма лойиҳалар самарали ижро этилаётганига гувоҳ бўлдик. Юртингизда банк тизимини ислоҳ қилиш ва эркинлаштиришнинг зарур ҳуқуқий асослари ишлаб чиқилиб, хорижлик ишбилармонлар учун қулай сармоявий муҳит яратилгани бизни жуда қувонтирди. Мамлакатингиз билан ҳамкорликни янада ривожлантириш тарафдоримиз.
Ўзбекистон Республикаси Ташқи иқтисодий фаолият Миллий банкида ўтган учрашувда мамлакатимиз билан ОТБ ўртасидаги ўзаро манфаатли алоқаларнинг бугунги аҳволи ва истиқболи юзасидан фикр алмашилди, ҳамкорликда янги лойиҳалар ишлаб чиқиш ва амалга ошириш имкониятларига оид масалалар муҳокама қилинди.
Ирода УМАРОВА,
ЎзА мухбири.
"Банк ахборотномаси"
Похожие новости
02.02.2009
Хусусий мулкчилик ва ҳудудлар иқтисодиётини инвестициялаш самарадорлигини ошириш – устувор вазифа
22.01.2009
Респблика қимматбаҳо қоғозлар биржаси қатнашчиларининг маблағлари ҳажмига нисбатан янги талаблар қўйилмоқда
22.01.2009
Давлат буджети - мамлакатдаги иқтисодий соҳани тартибга солишга қаратилган энг муҳим механизмлардан бири
Қўшма лойиҳаларнинг самарали ижроси