JET: В каких банках низкие процентные ставки по автокредитам на вторичном рынке?
Подробнее
Бугунги кунга келиб мамлакатимизда жадал суръатлар билан олиб борилаётган иқтисодий ислоҳотларни амалга оширишда, жумладан, кичик бизнес ва хусусий тадбиркорликни ривожлантиришда ҳамда аҳолига, айниқса унинг кам таъминланган қисмига барча турдаги молиявий хизматларни кўрсатишда молиявий барқарор бўлган кредит уюшмаларининг ўрни ва аҳамияти кундан-кунга ортиб бормоқда. Бунга ўз фаолиятини 2006 йил октябр ойидан бошлаган ва ҳозирда фаолият доирасини тобора кенгайтириб бораётган “Шарқ юлдузи” кредит уюшмасини мисол қилиб келтириш мумкин. Мазкур кредит муассасасининг асосий иш фаолияти ўз аъзоларига истеъмол кредитларини кенгроқ тақдим қилишга қаратилган. Уюшма аъзоси бўлиш учун эса ҳар бир юртдошимиз низом жамғармасига 10 минг сўм миқдорида бадал қўйиши кифоя. Шундан сўнг, аъзоликка қабул қилинган шахс уюшманинг барча турдаги хизматлари – ҳам кредит, ҳам омонатларидан унумли фойдаланиш ва шу орқали ўз турмуш даражасини юксалтириб бориш имкониятига эга бўлади. Эътиборлиси, уюшма ҳар бир аъзо билан ишлашда оқилона сиёсат юритиш ҳамда улар учун сифатли ва манфаатли бўлган хизматларни кўрсатишни ўз олдига мақсад қилган.
Маиший техника ва мебел харид қилиш учун ажратиладиган истеъмол кредитларининг миқдори 1 йил муддатга 3 млн. сўмгача этиб белгиланган. Бунинг учун олинаётган техника қийматининг 20 фоизи миқдорида, мебел маҳсулоти қийматининг 30 фоизи миқдорида бадал пули қўйиш талаб этилади. Кредитлар фақат маҳаллий корхоналаримиз томонидан ишлаб чиқарилган маҳсулотлар учун берилади.
Ҳозирда уюшма томонидан истеъмол кредитларидан ташқари, ўз бизнесини йўлга қўяётган тадбиркорлик субъектларига ҳам кенг кўламдаги молиявий маблағлар ажратиб келинмоқда. Шунингдек, уюшма ўз аъзоларини турмуш шароитини яхшилаш йўлидаги саъй-ҳаракатларини ҳам моддий жиҳатдан қўллаб-қувватлайди.
Бундан ташқари, “Шарқ юлдузи” уюшмаси бугунги кунда юртимизда долзарб бўлиб турган ипотека кредитлари ва лизинг амалиётларини ҳам кенг йўлга қўйишга интилмоқда.
Кредитлар билан бир қаторда уюшма аъзолари бўш пул маблағларини депозитларга қўйган ҳолда қўшимча даромад олишлари ҳам мумкин. Айнан бу йўлда уюшма аҳолининг ҳар бир қатламига мўлжалланган жозибали бир нечта омонат турларини жорий қилган. Хусусан, таклиф қилинаётган энг юқори фоизли омонатлар сирасига “Элит” (йиллик 46 фоиз, сақлаш муддати 24 ой), “Оптима” (44 фоиз, 12 ой), “Стандарт” (42 фоиз, 12 ой), “Элит-капитал” (40 фоиз, 12 ой) номли омонатлар кирса, шунингдек, аъзолар томонидан талаб қилиб олингунча шарти билан очиладиган “Жамғарма депозити” ҳамда юридик шахслардан 3 ой муддатга маблағ қабул қилинадиган “Шошилинч депозит”ларига ҳам қизиқиш катта бўлмоқда.
Бир сўз билан айтганда, уюшманинг депозит йўналишидаги фаол фаолияти аъзолар учун кредит сиёсатини тўғри ва кафолатли равишда амалга оширилишини таъминламоқда.
Қуйидаги жадвалда, маиший техника ёки мебель сотиб олиш учун таклиф қилинадиган истеъмол кредити ва уни қайтариш тартиби кўрсатиб берилган.
Акмал Назаров
www.bank.uz
Похожие новости
04.09.2009
«InFinBank» омонатларни таклиф этади:
04.09.2009
ОАТБ "Агробанк" янги омонатни таклиф этади
04.09.2009
“Qishloq Qurilish Bank” янги омонатларни таклиф этади
“Шарқ юлдузи" кредит уюшмаси: юксак мақсадлар сари