"Капиталбанк" молиявий хизматлар бозорида

"Капиталбанк" ОАТБ активлари ва ўз капитали ҳажми бўйича мамлакатнинг энг йирик 10 та банки қаторига киради. Бугунги кунда банк универсал молиявий институт сифатида ривожланмоқда.

"Капиталбанк" ОАТБ Бош офис, 7 та филиал ва 36 та мини-банкдан иборат бўлиб, улар орқали 650 мингдан мижозларга хизмат кўрсатилмоқда.

2008 йил давомида "Капиталбанк" ОАТБ кичик бизнес субъектларига 38,7 млрд. сўм миқдорида кредитлар ажратилиб, бу банк томонидан 2008 йилдаги барча кредитларининг 79,6% ни ташкил этади.

Жорий йилда кичик бизнес субъектларига берилган кредитлар умумий миқдоридан 7,4 млрд. сўми саноат соҳасига, 5,8 млрд. сўми – савдо соҳасига, 2 млрд. сўмга яқини – қурилиш соҳасига, 23 млрд. сўмдан ортиғи – бошқа соҳаларга тўғри келади, деб хабар беради банк матбуот-хизмати.

"Капиталбанк" ОАТБ терминаллар миқдорини ошириш борасида ҳам катта ҳажмдаги ишларни амалга ошираяпти. 2009 йилнинг 1 январига терминаллар сони 503 тани ташкил этиб, уларнинг сони доимий равишда ўсиб бормоқда.

Банк томонидан чиқарилган пластик карталар сони 2009 йилнинг 1 январ ҳолатига 20784 донани ташкил этмоқда. 2008 йил давомида банк томонидан 8357 та плактик карточка чиқарилган бўлиб, 2007 йилдаги мазкур йўналишдаги кўрсаткичдан тўрт баравар ортиқдир.

Ўтган йил давомида банк томонидан аҳоли бўш пул маблағларини омонатларга жалб этиш борасида ҳам самарали ишлар амалга оширилмоқда. Мисол учун, "Капиталбанк" ОАТБ да ўз омонатларини жойлаштирган мижозлари сони 2008 йил давомида 1,54 баравар ортди. Жисмоний шахслар ҳисоб рақамидаги маблағлар 44,11% га ортиб, 48,068 млрд. сўмни ташкил етди.

Манба: Uzreport.com