Жаҳонда “Қора олтин”га нисбатан нархлар ошди

Чет эл ахборот агентликларининг тарқатган хабарларига кўра, ҳафта бошидан буён жаҳон бозорларида нефтнинг нархи кўтарилган. АҚШ, евроҳудуд ва Хитойдаги саноатнинг айни даврдаги ҳолатини акс эттирган статистик маълумотларнинг бунга сабаб бўлгани айтиб ўтилмоқда. 

Фьючерсларнинг шимолий денгиз нефть аралашмаси Brent Crude Oil маркасига нисбатан нархи Лондон IСE (InterContinental Exchange Futures) биржасидаги савдолар натижасига кўра, бир баррель учун - 1,85 доллардан - 73,55 долларгача кўтарилди. Мазкур кўрсаткич 2008 йилнинг 14 октябидан кейин рекорд кўрсаткич ҳисобланади.

Нью-йорк биржасида NYMEХ (New York Merchantile Exchange) сентябрь фьючерсларининг нархи Light Sweet Crude Oil маркадаги Американининг енгил нефтига нисбатан 2,13 доллардан - 71,58 долларгача кўтарилди. Сўнги бор фақатгина 12 июнда Нью-йорк биржасида нефтнинг бир баррели учун нархлар бу кўрсаткичдан ошган эди.