Давлат раҳбарининг банк тизими олдига қўйган устувор вазифалар моҳиятини англаган, зиммасидаги масъулиятни ҳис қилган мутасадди раҳбар борки, кичик бизнес ва тадбиркорликни қўллаб-қувватлаш лойиҳаларини амалга оширишни рағбатлаштириш, уларга техник ва маслаҳат кўмагини ташкил этиш, қолаверса иш услубини ўзгартирган ҳолда ўз мижозлари билан бизнес-ҳамкор бўлишга интилиб, мулоқотнинг самарали усулларидан фойдаланмоқда.
Тадбиркорлар ҳамкорига айланишни ўз олдига мақсад қилган “Трастбанк” хусусий акциядорлик банки раҳбарияти ҳам вилоят ва туманларда турли соҳа ҳамда йўналишларда фаолият юритаётган тадбиркорлик субъектлари вакиллари, экспортёр корхоналар раҳбарлари билан очиқ мулоқотлар ташкил этмоқда.
Жумладан, шу каби очиқ мулоқотлардан бири жорий йилнинг 27 август куни банкнинг Жиззах филиалида Банк Бошқаруви Раиси Сардор Нормухамедов иштирокида бўлиб ўтди.
Хусусан, очиқ мулоқот давомида тадбиркорлар банк хизматларига оид янги қонун ҳужжатлари, кредит буюртманомаларини кўриб чиқиш тартиби, экспорт операциялари билан шуғулланувчи корхоналарга яратилаётган имтиёзлар, банк тариф ставкалари ва бошқа банк фаолияти билан боғлиқ ўзларини қизиқтирган саволларига жавоб олдилар.
Шунингдек, Банк Бошқаруви Раиси Сардор Нормухамедов экспорт билан шуғулланувчи тадбиркорларга “Исломий дарча” хизмати тамойиллари ҳақида тўлиқ тушунча берди.
Тадбиркорлар бундай қабуллар ва мунозараларнинг фойдалилигини тан олиб, белгиланган форматда ҳамкорликни давом эттириш истагини билдиришди.
Очиқ мулоқотнинг самараси