Янгича ёндашув - давр талаби

22.12.2008
“Трастбанк” хусусий очиқ акциядорлик биржа банки молия бозордаги ўзининг фаол иштироки эвазига асосий молиявий кўрсаткичларини тобора мустаҳкамлаб бормоқда. Жумладан, жорий йилнинг 1 октябр ҳолатига банкнинг ресурс базаси 165 млрд. 972 млн. сўмни, активлари 225 млрд. 726 млн. сўмни, ялпи капитали 15 млрд. 456 млн. сўмни, акциядорлик капитали 4 млрд. 700 млн. сўмни, кредит портфели 51 млрд. 819 млн. сўмни ташкил этди.

Банкнинг кредит йўналишидаги фаолиятига назар ташлаганда, ажратилган жами кредитлар ҳажмининг 47,2 фоизи саноат соҳасига, 23,8 фоизи қурилишга, 17,9 фоизи савдо ва умумий овқатланишга, 0,7 фоизи қишлоқ хўжалигига ҳамда 10,4 фоизи бошқа тармоқларга йўналтирилганини кўришимиз мумкин. Кредит портфели мижозлар бўйича кўриб чиқилганда эса, 48,3 фоизи хусусий корхоналар ва корпорацияларга ажратилганига гувоҳ бўламиз. Шунингдек, кредит портфелининг 38,1 фоизи қўшма корхоналарга, 8,9 фоизи давлат корхоналарига, 3,2 фоизи жисмоний шахсларга ҳамда 1,5 фоизини хусусий тадбиркорларга ажратилган кредитлар ҳиссасига тўғри келмоқда.

Кредитлаш ҳажмининг ўсишида кичик бизнес ва хусусий тадбиркорлик субъектлари кенг молиялаб келинаётгани муҳим омил бўлмоқда. Бугунги кунда банк томонидан кичик бизнес ва хусусий тадбиркорлик субъектларини қўллаб-қувватлаш, ишлаб чиқариш корхоналари фаолиятини кенгайтириш борасида уларни кредитлаш ва бошқа банк хизматлари билан амалий ёрдам кўрсатиб келинмоқда.
“Трастбанк” аҳоли бўш пул маблағларини банкка жалб этиш ва шу орқали халқимиз турмуш даражасини оширишга ҳам алоҳида аҳамият қаратмоқда. Бунинг самараси ўлароқ, омонат қўйилмалари миқдори йилдан-йилга ўсиб бормоқда. Жумладан, жорий йилнинг 9 ойи якуни бўйича талаб қилиб олингунча депозитлар миқдори 136 млрд. 548,9 млн. сўмни ташкил этаётган бўлса, ўтган йилнинг шу даврида бу кўрсаткич 111 млрд. 984 млн. сўмга тенг бўлган эди. Шунингдек, жамғарма депозитлар миқдори 8 млрд. 272 млн. сўмни (ўтган йилнинг шу даврида 9 млрд. 293 млн. сўм бўлган), муддатли депозитлар миқдори 1 млрд. 815,6 млн. сўмни (бир йил олдин 1 млрд. 690,7 млн. сўм бўлган) ташкил этмоқда.
Бир сўз билан айтганда, “Трастбанк” ХОАББ мамлакат иқтисодиётини ривожлантириш, аҳоли фаровонлигини таъминлаш йўлида изчил саъй-ҳаракатларни олиб бормоқда. Бу эса банк салоҳиятининг йилдан-йилга мустаҳкамланиб боришига ҳам замин яратмоқда.

Бекзод АКРОМОВ.
“Банк ахборотномаси”




Похожие новости
«InFinBank» омонатларни таклиф этади:

04.09.2009

«InFinBank» омонатларни таклиф этади:

ОАТБ "Агробанк" янги омонатни таклиф этади

04.09.2009

ОАТБ "Агробанк" янги омонатни таклиф этади

“Qishloq Qurilish Bank” янги омонатларни таклиф этади

04.09.2009

“Qishloq Qurilish Bank” янги омонатларни таклиф этади



Система Orphus