Акциядорлик-тижорат “Қишлоқ қурилиш банк“ томонидан журналистлар учун Фарғона вилоятига пресс-тур ташкил этилди.
Икки кунлик пресс-тур давомида журналистлар “Қишлоқ қурилиш банк“ Фарғона минтақавий филиали фаолияти, банк томонидан қурилиб фойдаланишга топширилган намунавий уй-жойлардаги шароитларни кўздан кечирди.
Бундан ташқари ОАВ вакиллари банк кредитлари ҳисобидан ўз тадбиркорлик фаолиятини ривожлантираётган тадбиркорлар ва маҳаллий аҳоли билан суҳбатда бўлиб, уларнинг фаолияти билан яқиндан танишди.
Пресс-тур мобайнида “Қишлоқ қурилиш банк“ Қўқон филиали янги биносининг очилиш маросими ҳам бўлиб ўтди.
- Шу вақтга қадар аҳолига нисбатан эски бинода банк хизматларини кўрсатардик. Бу ҳолат юзасидан мижозлардан кўп шикоятлар эшитар эдик. Янги бино барча замонавий талабларга жавоб беради. Филиалда 1 200 дан ортиқ юридик ва якка тартибдаги тадбиркорларга хизмат кўрсатилмоқда. Бундан ташқари 10 мингдан зиёд жисмоний шахсларга кредитлар ажратилди, 5 мингдан ортиқ мижозларимизда банк пластик карталар бор. Қўқон шаҳрига туташ 7 та туман аҳолисига хизмат кўрсатамиз. Шунингдек, ҳозирда туман марказларида банк хизмат кўрсатиш тармоқлари ҳам қурилмоқда, - дейди “Қишлоқ қурилиш банк“ Қўқон шаҳар филиали раҳбари Анваржон Рашидов.
Айни вақтда банк филиалида 60 нафар ходим хизмат қилмоқда. Банк филиалида замонавий форматлардаги “back office”, “front office” лар ҳам мавжуд.
Инобат АҲАТОВА, ЎзА
Манба: www.uza.uz
Manba:
Qishloq qurulish bank
O'xshash yangiliklar
13.05.2026
Central Asian Fintech Association (CAFA) Toshkent shahrida bo‘lib o‘tadigan menejerlar va IT yetakchilari uchun eng muhim tadbirlardan biri — Manager’s Conference 2026 tadbirining hamkori va ishtirokchisi sifatida qatnashadi
05.05.2026
Janubiy Koreyadan pul o‘tkazmalari yanada qulaylashdi: Octobank HUMO kartalariga E9PAY uladi
24.04.2026
Qashqadaryo: ANORBANK 150 nafar maktab o‘quvchilari uchun moliyaviy savodxonlik darslarini o‘tkazdi
“Қишлоқ қурилиш банк“ Қўқон филиали янги бинода иш бошлади