2014 yil ATB“Qishloq qurilish bank”da “Internet-banking” tizimi mijozlari soni 1 660 tadan ortdi

Mamlakatimizda “Bank-mijoz”, ”Internet-banking”, “Mobil-banking”, “SMS-banking” kabi bank hisobvaraqlarini masofadan boshqarish tizimlaridan foydalanuvchilar soni tobora ortib bormoqda. 2014 yil yakunlariga ko‘ra ATB “Qishloq qurilish bank”da “Internet-banking” tizimi joriy qilingan mijozlar soni 1 660 tadan, “SMS-banking”bo‘yicha esa 15 200 tadan ortdi.

"Qishloq qurilish bank" aksiyadorlik tijorat banki plastik kartochkalar orqali xizmat sifatini oshirish hamda ularda foydalanishda yanada qulay shart-sharoitlar yaratish maqsadida “Smart-Vista” va "DUET" plastik kartochkalari foydalanuvchilari uchun “Mobil-banking” tizimini joriy qildi. Bu tizimning asosiy qulayligi shundaki, mijozlarga o‘z uyali aloqa telefoni orqali plastik kartochka hisobvarag‘idan turli to‘lovlarni amalga oshirish imkonini beradi.Ayni paytda bankda ushbu xizmat turini yanada takomillashtirish, “SMS-To’lov” va “Click” tizimlari asosidagi to‘lovlar turini kengaytirish borasida keng ko‘lamli chora-tadbirlar olib borilmoqda.

Bank axborot xizmati