27 yil milliy valyuta — so‘m bilan birga!

1994 yil, 1 iyul. Mazkur sana Mustaqil O‘zbekiston tarixida pul-kredit siyosatini belgilab bergan kun sifatida ahamiyatlidir. Aynan 1 iyuldan e’tiboran muomalaga milliy valyuta - so‘m tatbiq etildi. 

Mamlakat iqtisodiyotini rivojlantirishga qaratilgan muhim islohotlardan birining natijasi hisoblangan milliy valyuta hayotimizning ajralmas qismiga aylandi. 

Bizning barcha moliyaviy hisob-kitoblarimiz so‘mda gavdalandi. Milliy valyutaga xalqimizning farovonligini belgilab beruvchi manba sifatida ham qaralmoqda.

Ona yurtimizning tarix sahifalaridan mustahkam joy olgan 1994 yilning 1 iyul sanasi O‘zbekiston o‘zining iqtisodiy mustaqilligini ham qo‘lga kiritgan kun sifatida qadrlidir.