Таҳлиллар шуни кўрсатмоқдаки, айрим фуқаролар томонидан мурожаатлар Марказий банкнинг info@cbu.uz электрон почтасига бошқа шахсларга тегишли бўлган электрон почта манзиллари орқали юборилмоқда. Баъзи мурожаатларда фуқароларнинг телефон рақамлари ёки уларнинг яшаш манзиллари кўрсатилмаган. Бу каби ҳолатлар мурожаатчилар билан бевосита боғланган ҳолда масалаларни ўрганиб чиқиш ҳамда улар юзасидан жавоб хатларини юборишда қийинчиликларни келтириб чиқармоқда.
Амалдаги қонунчиликка кўра, жисмоний шахснинг мурожаатида унинг фамилияси (исми, отасининг исми), яшаш жойи тўғрисидаги маълумотлар, юридик шахснинг мурожаатида эса юридик шахснинг тўлиқ номи, жойлашган ери (почта манзили) тўғрисидаги маълумотлар кўрсатилган бўлиши лозим. Шунингдек, мурожаат этувчиларнинг электрон почта манзили, алоқа телефон (факс) рақамлари кўрсатилиши мумкин.
Марказий банкнинг info@cbu.uz электрон почтасига келиб тушган мурожаатлар бўйича жавоб хатларини мурожаатчиларнинг ўзларига етиб боришини таъминлаш, уларни кўриб чиқишда банк сирини ташкил этувчи маълумотларнинг учинчи шахсларга ошкор бўлиб қолишининг олдини олиш ҳамда масалаларни мурожаатчилар билан бевосита боғланган ҳолда ўрганиб чиқилишини таъминлаш мақсадида, Сиздан Марказий банкнинг info@cbu.uz электрон почтасига йўллаётган мурожаатингизда яшаш манзилингиз ва алоқа учун телефон рақамингизни киритишни сўраймиз.
Manba:
cbu.uz
O'xshash yangiliklar
13.05.2026
Central Asian Fintech Association (CAFA) Toshkent shahrida bo‘lib o‘tadigan menejerlar va IT yetakchilari uchun eng muhim tadbirlardan biri — Manager’s Conference 2026 tadbirining hamkori va ishtirokchisi sifatida qatnashadi
05.05.2026
Janubiy Koreyadan pul o‘tkazmalari yanada qulaylashdi: Octobank HUMO kartalariga E9PAY uladi
24.04.2026
Qashqadaryo: ANORBANK 150 nafar maktab o‘quvchilari uchun moliyaviy savodxonlik darslarini o‘tkazdi
Аҳоли ва тадбиркорлик субъектлари диққатига!