OAT «Aloqabank» Kengashi aksiyadorlarning yillik umumiy yig'ilishi 2012 yil 19 may kuni

OAT «Aloqabank» Kengashi aksiyadorlarning yillik umumiy yig'ilishi 2012 yil 19 may kuni, soat 9:00 da, Toshkent shahri, Mirobod tumani, Amir Temur shohko'chasi, 4-uyda joylashgan OAT «Aloqabank» binosining majlislar zalida o'tkazilishini ma'lum qiladi.

YIG'ILISH KUN TARTIBI:

1. OAT «Aloqabank» aksiyadorlarining yillik umumiy yig'ilishi reglamentini tasdiqlash.
2. OAT «Aloqabank»ning 2011 yil ish faoliyati yakunlari bo'yicha bank Kengashi hisobotini tasdiqlash.
3. OAT "Aloqabank"ning 2011 yil ish faoliyati yakunlari hamda 2012 yildagi ustuvor vazifalari to'g'risidagi bank Boshqaruvi raisi hisobotini tasdiqlash.
4. OAT "Aloqabank"ning 2011 yil ish faoliyati yakuni bo'yicha taftish komissiyasi hisobotini tasdiqlash.
5. OAT "Aloqabank"ning 2011 yil ish faoliyati yakuni bo'yicha auditorlik hisoboti.
6. OAT "Aloqabank"ning yillik hisoboti, buxgalteriya balansi, foyda va zararlar to'g'risidagi hisobotini tasdiqlash hamda bankning foydasini taqsimlash.
7. OAT "Aloqabank"ning taftish komissiyasi a'zolarini saylash.
8. OAT "Aloqabank"ning 2012 yil ish faoliyati yakuni yuzasidan auditorlik tekshiruvi o'tkazish, auditorlik tashkilotini tanlash va uning xizmatiga to'lanadigan haq miqdori chegarasini belgilash.
9. OAT "Aloqabank" Kengashi a'zolarini saylash.
10. OAT "Aloqabank" Boshqaruvi raisi bilan tuzilgan mehnat shartnomasini uzaytirish.
11. OAT "Aloqabank"ning 2012 yil I chorak ish faoliyati yakunlari bo'yicha hisoboti.
12. OAT "Aloqabank" aksiyadorlariga 2012 yilning I choragi yakuni bo'yicha bankning imtiyozli aksiyalari uchun dividendlar to'lash.

Umumiy yig'ilishda ishtirok etish huquqiga ega bo'lgan aksiyadorlar ro'yxati OAT «Aloqabank» Kengashining 2012 yil 18 apreldagi yig'ilishi qaroriga asosan 2012 yil 15 may kuni holatiga tuziladi.

Bank aksiyadorlarini va majlis qatnashchilarini ro'yxatga olish 2012 yil 19 may kuni soat 8:00 dan 8:50 gacha davom etadi.

Aksiyadorlar o'zlari bilan shaxsini tasdiqlovchi hujjat hamda ularning vakillaridan o'rnatilgan tartibda notarial tasdiqlangan ishonchnoma bilan kelishlari so'raladi.

Aksiyadorlarning yillik umumiy yig'ilishi ma'lumotlari bilan Toshkent shahri, Mirobod tumani, Amir Temur shohko'chasi, 4-uyda joylashgan OAT «Aloqabank»da tanishishingiz mumkin.

Ma'lumot uchun telefonlar: 232-83-67, 233-47-29.