Ғаллаоролда банкоматлар ишчи ҳолатда бўлиши назоратга олинди

22.06.2020

“Жиззах вилоятининг Ғаллаорол тумани марказида ўрнатилган банкоматлар талабга жавоб бермаслиги, бундан аҳоли жиддий қийинчиликка дуч келаётгани” масаласида “Нуроний” газетасининг 2020 йил 3 июнь сонида эълон қилинган материал юзасидан қуйидагиларни маълум қиламиз: Ҳозирги кунда Жиззах вилояти ҳудуди бўйича жойларга, яъни банк инфратузилмалари, йирик бозорлар ва бошқа аҳоли гавжум бўладиган объектларга жами 194 дона банкоматлар ўрнатилган бўлиб, шундан Ғаллаорол туманида 11 та банкомат мавжуд (яъни, 3 донаси “UZCARD” тизими ҳамда 8 донаси “HUMO” тизими банкоматлари). Шунингдек, банкоматлар тармоғи республика бўйлаб босқичма-босқич кенгайтириб борилмоқда. Тўлов тизимлари инфратузилмаларидаги барча банкоматларнинг узлуксиз иш фаолияти (ишчи ҳолати) ҳамда нақд пул маблағлари билан таъминланиши банк тизимининг масъул ходимлари томонидан доимий ва қатьий назоратга олиб борилмоқда. Ўз навбатида, мазкур материалда “банкоматлар талабга жавоб бермаслиги” баён этилган бўлиб, бунда айнан қайси ҳолатлар назарда тутилганлиги ёки муаммонинг асл сабаби аниқ кўрсатилмаган. Бундан ташқари, Ғаллаорол туманида фаолият юритадиган барча банк кассаларидаги мавжуд 39 та терминаллар (яъни, 26 донаси “UZCARD” тизими ва 13 донаси “HUMO” тизими терминаллари) орқали фуқароларнинг банк картасидаги пул маблағи уларнинг сўровига кўра, зарур миқдорда нақдлаштириб берилиши мумкинлигини эслатиб ўтамиз. Бу аҳоли ўзига яқин ва қулай бўлган банк филиалига мурожаат қилиб, картадаги маблағини нақдлаштириш имкониятини беради. Юқоридагиларга қўшимча равишда, тўлов хизматларидан фойдаланиш масаласида юзага келадиган ҳар қандай ҳолатлар бўйича Ўзбекистон Республикаси Марказий банкининг ягона ишонч телефони (71-200-00-44) ёки бевосита Марказий банкнинг Жиззах вилояти Бош бошқармаси масъул ходимларига (72-223-97-22) мурожаат қилиниши мумкинлигини таъкидлаб ўтамиз.

Manba: cbu.uz

O'xshash yangiliklar

13.05.2026

Central Asian Fintech Association (CAFA) Toshkent shahrida bo‘lib o‘tadigan menejerlar va IT yetakchilari uchun eng muhim tadbirlardan biri — Manager’s Conference 2026 tadbirining hamkori va ishtirokchisi sifatida qatnashadi

05.05.2026

Janubiy Koreyadan pul o‘tkazmalari yanada qulaylashdi: Octobank HUMO kartalariga E9PAY uladi

24.04.2026

Qashqadaryo: ANORBANK 150 nafar maktab o‘quvchilari uchun moliyaviy savodxonlik darslarini o‘tkazdi

Ғаллаоролда банкоматлар ишчи ҳолатда бўлиши назоратга олинди

Bank.uz dagi barcha mahsulotlar

Omonatlar

Kreditlar

Avtokredit

Mikroqarz

Ipoteka

Kartalar

Biznes

Sug'urta

Tashkilotlar

Filial va bankomatlar

Valyutalar kursi

Boshqalar

Bank.uz ilovasini o'rnatish