«AlPay» to’lov tizimi

AT «Aloqabank» yo’l harakati qoidalari buzilishi oqibatida kelib chiqadigan jarimalarni to’lash xizmatini joriy qildi.

Endilikda «AlPay» foydalanuvchilari yo’l harakati qoidalari buzilishi oqibatida kelib chiqadigan jarimalarni uydan chiqmagan holda, o’zlarining mobil telefonlari orqali to’lashlari mumkin.

Buning uchun “Xizmatlar to’lovlari” – “Davlat va kommunal to’lovlari” – “Jarimalarni to’lash” bo’limlariga kirish kerak bo’ladi. So’ngra pochtadan kelgan qaror raqamini hamda to’lov summasini kiritasiz. Ma’lumotlar (jarima turi, qaror raqami va boshqalar) tekshirilib, to’lov tasdiqlanganidan so’ng Siz jarima to’lovini amalga oshirishingiz mumkin bo’ladi.

To’lovni «AlPay» mobil tizimiga kiritilgan bir nechta plastik kartalar orqali bir martada to’lig’icha yoki qisman amalga oshirishingiz mumkin. (Eng kam miqdori – 10 000 so’m).