1-yarim yillik yakuniga ko‘ra, Kapitalbankning sof foydasi 775 milliard so‘mdan oshdi. Batafsil

Андижон вилоятида тўлов тизимлари инфратузилмаси кенгайтирилмоқда

09.11.2020

Бугунги кунда банкоматлар тармоғи республикамиз бўйлаб, шу жумладан, Андижон вилоятида ҳам босқичма-босқич кенгайтириб борилмоқда. Хусусан, банк инфратузилмалари, йирик бозорлар ва бошқа аҳоли гавжум объектларга жами 380 дона банкоматлар ўрнатилган бўлиб, шундан 182 донаси “Uzcard” ва 198 донаси “Humo” тўлов тизими банкоматларидир. Барча банкоматларнинг ишчи ҳолатида бўлиши ҳамда уларнинг нақд пул маблағлари билан таъминланиши доимий назоратга олинмоқда. Мижозлар банкоматлардан нақд пул олаётган жараёнда банк картасидан пул ечилгандан сўнг 30 сония вақт оралиғида банкоматнинг нақд пул берадиган жойидан маблағини олиши керак. Агар мижоз белгиланган вақтда нақд пулни олмаса, маблағлар банкомат томонидан хавфсизлик нуқтаи назаридан қайтариб олиниб, банкоматнинг махсус кассетасига (Reject) жойлаштирилади. Шундан сўнг банкоматга бириктирилган масъул ходимлар уларга хизмат кўрсатиш вақтида (нақд пул билан тўлдириш, чек қоғозининг етарлилиги ва ҳ.к.) банкомат томонидан қайтариб олинган нақд пуллар ёки банк карталари белгиланган тартибда ўз эгаларига етказиш чораларини кўради. Бундан ташқари жойлардаги барча банкоматларда хизмат кўрсатувчи банкнинг ишонч телефони рақамлари туширилган ёрлиқ ўрнатилган. Мурожаатда билдирилган ҳолат бўйича аниқлик киритиш, хусусан, носозликлар айнан қайси ҳудудда ва қачон содир бўлганлигини билиш тақозо этилади. Шу билан бирга, бугунги кунда Андижон вилоятида тўлов тизимларидан фойдаланувчиларга ўз вақтида ҳамда сифатли хизмат кўрсатиш учун етарли тўлов инфратузилмаси яратилганлиги маълум қилинади. Юқоридагиларга қўшимча равишда, Андижон вилояти ҳудудида тўлов хизматларидан фойдаланишга доир юзага келадиган ҳар қандай ҳолатлар бўйича Ўзбекистон Республикаси Марказий банкининг ягона ишонч телефони (71-200-00-44) ёки Марказий банкнинг Андижон вилояти Бош бошқармаси масъул ходимига (95-204-60-01) мурожаат қилиниши мумкин.

Manba: cbu.uz

O'xshash yangiliklar

04.09.2024

1-yarim yillik yakuniga ko‘ra, Kapitalbankning sof foydasi 775 milliard so‘mdan oshdi.

19.08.2024

Moneysend bilan Mastercard kartalariga tezkor pul o‘tkazmalari!

16.08.2024

ZOOD Mastercard va Ipak Yo‘li Banki bilan birgalikda O‘zbekistonda birinchi muddatli to‘lov virtual kartasini taqdim etadi

Андижон вилоятида тўлов тизимлари инфратузилмаси кенгайтирилмоқда

Bank.uz dagi barcha mahsulotlar

Omonatlar

Kreditlar

Avto kredit

Mikroqarz

Ipoteka

Kartalar

Biznes

Sug'urta

Tashkilotlar

Filial va bankomatlar

Valyutalar kursi

Boshqalar

Bank.uz ilovasini o'rnatish