"“Анорбанк” нохолис ахборотларни тарқатмаслик юзасидан огоҳлантирилди" новости "O'zR MB" ID#39837

O'zbekistondagi banklarning qo'llab-quvvatlash xizmatlari reytingi Batafsil

“Анорбанк” нохолис ахборотларни тарқатмаслик юзасидан огоҳлантирилди

26.04.2021

Ўзбекистон Республикаси Марказий банки Банк хизматлари истеъмолчиларининг ҳуқуқларини ҳимоя қилиш хизмати томонидан “Анорбанк” АЖнинг “Шошилмасдан” номи билан эълон қилинган омонат маҳсулоти бўйича банкнинг расмий веб-сайтида тақдим этилган маълумотларни тўлиқ ва тўғри акс эттириш юзасидан мазкур банк бошқарувига кўрсатма хати юборилди.Хусусан, банкнинг расмий веб-сайтида мазкур омонатга йиллик 26 фоизгача устама тўланиши кўрсатилган. Бироқ, банкнинг расмий телеграм канали ҳамда Call-маркази орқали олинган маълумотларга кўра, омонат муддати 370 кун бўлиб, бунда омонатнинг бутун даврида оралиқ даврлар мавжуд ҳамда ҳар бир оралиқ давр учун омонатга устамалар турли фоиз ставкаларида ҳисобланади. Бундан кўриниб турибдики, омонатга фоизларнинг дифференциялашган равишда ҳисобланиши натижасида мазкур омонат бўйича жами йиллик реал даромадлилик 26 фоиздан пастроқни ташкил қилади.Шу муносабат билан, “Анорбанк” АЖ бошқарувига бундай маркетинг ҳаракатлари истеъмолчилар томонидан танланган банк омонати бўйича олинадиган реал даромадлар тўғрисида уларни чалғитишга ва энг ҳамёнбоп шартларга эга бўлган маҳсулотни танлашни қийинлаштиришга олиб келиши мумкинлиги билдирилди, шунингдек, келгусида банкнинг молиявий маҳсулотлари тўғрисида чалғитувчи ва нохолис ахборотлар тарқатилишига йўл қўймаслик зарурлиги юзасидан огоҳлантирилди.

O'zR MB O‘zbekiston Respublikasining «O‘zbekiston Respublikasining Markaziy banki to‘g‘risida»gi Qonuni 3-moddasiga muvofiq Markaziy bank yuridik shaxs bo‘lib, u davlatning mutlaq mulkidir va o‘z xarajatlarini o‘zining daromadlari hisobidan amalga oshiradi. Markaziy bank o‘z vakolatlari hamda vazifalari doirasida davlat hokimiyati va boshqaruvining boshqa organlaridan mustaqil ravishda qarorlar qabul qiladi. O‘zbekiston Respublikasining «Banklar va bank faoliyati to‘g‘risida»gi Qonuni 4-moddasiga muvofiq O‘zbekiston Respublikasi Markaziy banki bank faoliyati sohasini tartibga soluvchi va litsenziyalash, tartibga solish hamda prudensial nazorat bo‘yicha vakolatlarni amalga oshiruvchi davlat organidir.

Manba: cbu.uz

O'xshash yangiliklar

23.08.2021

Коррупцияга қарши комплаенс-назорат тизими фаолиятини такомиллаштиришга қаратилган семинар

cbu.uz

20.08.2021

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

cbu.uz

20.08.2021

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

cbu.uz

Bank mahsulotlari