So`nggi vaqtlarda  mamlakatimizda "Loyihalarni boshqarish" atamasi mashhurlikka erishdi. Loyiha menejmenti - belgilangan natija va maqsadga erishish uchun vaqt va resurs cheklovlari mavjud sharoitida ham keng ko'lamli vazifalarni boshqarish usulidir.

Bank sektorida loyihalarni boshqarish bir strategik g`oya va loyihani amalga oshirishda birlashtirilgan  turli lavozim va mavqega ega bo`lgan rahbar va xodimlarning harakatlarini maksimal darajada muvofiqlashtirishga erishish uchun foydalaniladi. 
Asaka Bank bosh ofis xodimlari "PMI PMBOK standartlari asosida kompaniyada loyihalarni boshqarish" mavzusida o`quv kursida ishtirok etishdi.

Trening davomida bank xodimlari loyihalarni boshqarish tarixi, xalqaro va milliy loyihalarni boshqarish standartlari, asosiy tushunchalar, prinsiplar, portfel, dastur, loyihalarni  boshqarish vositalari  haqida umumiy bilimlarga ega bo'ldilar.

Iskandar Yusupov, PMP (Loyihalarni boshqarish bo'yicha konsultant va biznes-treyner):
Zamonaviy O'zbekistonning rivojlanishini kuzatib, bugungi kunda loyihaviy yondashuv korxonalarni rivojlantirish va biznesda  keng qo`llanilayotganligi meni quvontiradi. Bank tizimida  loyiha menejmentini joriy etish iqtisodiyotning ushbu sohasida transformatsiyani amalga oshirishning ajralmas qismi hisoblanadi.  “ASAKA” bank xodimlariga tajribab bilan bo`lishganimdan xursandman va olingan bilimlarni amalda qo'llashda muvaffaqiyatlar tilayman.

O`quv kursi so`ngida mutaxassislar  loyihalarni boshqarish bo'yicha yetakchi Rossiya  provayderining sertifikatlari bilan taqdirlandilar. “Asaka” bank xodimlarni  yangi biznes vositalari bilan tanishtirish rahbar va xodimlarning professional darajasini oshirish niyatida bunday tadbirlarni davom ettirishni maqsad qilib qo`ygan.