Joriy yilning 18 sentyabrida Toshkent shahrida o’tkazilgan Islom Taraqqiyot Banki Guruhi kunida «Asaka» bankiga Xususiy Sektorni Rivojlantirish Islom Korporatsiyasi rahbariyati nomidan «XSRIKning moliyalashtirish yo’nalishidagi eng yaxshi hamkori» mukofoti topshirildi.
Xususiy sektorni rivojlantirish Islom Korporatsiyasi (XSRIK) 1999 yilda Jidda shahrida tashkil etilgan. Mazkur korporatsiyaning asosiy vazifasi - Islom Taraqqiyot Bankining a'zo mamlakatlar xususiy sektorining rivojlanishini mustahkamlash orqali iqtisodiy taraqqiyotini qo'llab-quvvatlashga oid faoliyatini to’ldirish, shuningdek, a’zo mamlakatlarda rivojlanishni rag’batlantirish maqsadida xususiy sektorni investitsiya va savdoga oid moliyalashtirish faoliyati imkoniyatlarini identifikatsiyalash va baholash, aktivlarni boshqarish, Islomiy qimmatbaho qog'ozlar bozori va qarz sarmoyasini rivojlantirishdan iborat.
Ushbu kunda «Asaka» bank va XSRIK o'rtasida O’zbekiston Respublikasi kichik biznes va xususiy sektorida innovatsion rivojlantirishni faol qo'llab-quvvatlashga yo'naltirilgan moliyaviy hamkorlik bo'yicha O'zaroanglashuv Memorandumi imzolandi.
«Asaka» bank «XSRIKning 2018 yildagi eng yaxshi hamkori» mukofotiga sazovor bo’ldi