Asaka bank YTTB bilan hamkorlikda o'quv seminari o‘tkazdi.
⠀
O'zbekistonda aholining moliyaviy savodxonligini oshirish borasida keng qamrovli ishlar olib borilmoqda. «Asaka» banki YTTB bilan hamkorlikda kichik biznes vakillari va xususiy tadbirkorlar uchun moliyaviy savodxonlik tadbirlarini o'tkazmoqda. Asosiy maqsad «YTTB ning kichik biznesni qo'llab-quvvatlash uchun inqirozga qarshi maslahat ko'magi» masofaviy o'quv platformasining mazmun-mohiyatini tushuntirib berish edi.
⠀
Ta'kidlash kerakki, YTTB koronavirus pandemiyasi davrida kichik va o'rta biznes korxonalariga konsultativ yordam beruvchi platformani ishga tushirdi. Ushbu platforma korxonalarga moliyaviy resurslarni boshqarish sohasida ekspert maslahatlarini olish, yetkazib beruvchilar bilan aloqalarni o'rnatish va inqirozli vaziyatda xodimlarni boshqarishda yordam beradi.
⠀
Tadbir davomida «Asaka» bankining YTTB bilan hamkorlikda turli sohalardagi loyihalarini birgalikda amalga oshirish, yangi samarali moliyaviy vositalardan foydalanish imkoniyatlari va tovarlar eksportini rivojlantirish masalalari muhokama qilindi.
Trening yakunida tadbirkorlar o'zlarini qiziqtirgan barcha savollarga javob oldilar. «Asaka» bankining YTTB bilan hamkorlikdagi kichik biznes va xususiy tadbirkorlikni rivojlantirishni qo'llab-quvvatlovchi seminarlari Respublikamizning boshqa mintaqalarida ham davom ettiriladi.
1995-yildan boshlab “Asakabank” Oʻzbekiston bank xizmatlari bozorida yetakchi pozitsiyalarni mustahkam egallab kelmoqda hamda oʻz tajribasi va quvvatini har kuni oʻz mijozlarining turmushi va qulayligi uchun zamonaviy mahsulotlar va xizmatlar yaratishga safarbar etmoqda!
- Manfaatli omonatlar;
- Qulay shartlardagi kreditlar;
- Bank kartalarini ochish.
Bank sizning choʻntagingizda!
“Asakabank” mobil ilovasini oʻrnatib oling va mablagʻlaringizni uydan chiqmasdan onlayn rejimda boshqaring!
Asaka bank YTTB bilan hamkorlikda o`quv seminari o`tkazdi