ATB “Qishloq qurilish bank” “Sog‘lom bola yili” Davlat dasturi doirasida 920 ta kasb-hunar kollej bitiruvchilariga kreditlar ajratdi

O‘zbekiston Respublikasi Prezidentining 2014 yil  19 fevraldagi  ““Sog‘lom bola yili” Davlat dasturi”  to‘g‘risidagi  qarori  ijrosini ta’minlash maqsadida  “ATB “Qishloq qurilish bank” tizimida (mahsus Dastur ishlab chiqildi) “Sog‘lom bola yili” Davlat dasturi ijrosini ta’minlash bo‘yicha 2014 yilda amalga oshiriladigan  chora-tadbirlar Dasturi” ishlab chiqildi.

Ushbu dastur doirasida, bank tomonidan hisobot davri mobaynida xotin-qizlar hamda yoshlarning ma’naviy qo‘llab-quvvatlash maqsadida tadbirkor ayollar rahbarlik qilayotgan xo‘jalik sub’ektlariga 51,3 mlrd. so‘m, kasb-hunar kollej bitiruvchilarining tadbirkorlik faoliyatlarini tashkil etish, ularning o‘z bizneslarini yo‘lga qo‘yishlari hamda tadbirkorlik faoliyati bilan bog‘liq loyihalarini moliyalashtirish uchun 920 ta  kasb-hunar  kollej  bitiruvchilariga  14,7 mlrd. so‘m miqdorida imtiyozli mikrokreditlar ajratildi.

Ayollarning uy mehnatini engillashtirish va maishiy sharoitlarni yaxshilash maqsadida iste’mol tovarlari va ko‘rsatilayotgan xizmatlar uchun maishiy va oshxona elektr jihozlarini xarid qilishga 1,8 mlrd. so‘m miqdorida iste’mol kreditlari ajratildi.

Shuningdek, 2014 yil davomida 529 ta  yosh oilalarga 55,7  mlrd.so‘m miqdorida  ipoteka kreditlari  ajratilgan bo‘lsa, yangi tashkil etilayotgan tadbirkorlik sub’ektlariga, oilaviy tadbirkorlar hamda kasanachilikka 19,6 mlrd. so‘m miqdorida mikrokreditlar ajratildi.

Bank axborot xizmati