Аёл бу меҳрибон она, аёл бу опа ёки сингил, аёл ходим, аёл раҳбар.

“Ипотека-банк”АТИБ Касаба уюшмаси томонидан Бош офис аёл ходимлари иштирокида “Гендер тенглиги концепцияси” мавзусидаги навбатдаги психологик тренинг ташкил этилди. Тренингда лидер аёллар қатлами қандай яратилиши, раҳбар аёллар психологияси хусусида фикр алмашилди. Гендер тенглигини таъминлаш муҳим ижтимоий аҳамиятга эга эканлигига алоҳида урғу берилди. 



 Жалб этилган тренерлар Нуриддин Убайдуллаев ҳамда Зуҳриддин Шодиходжаевлар ҳар бир аёлда маълум бир устунлик жиҳатлари борлиги, ушбу жиҳатларни тўғри йўналтириш орқали ҳақиқий лидер аёлларни тарбиялаш мумкинлиги ҳаётий мисоллар орқали тушунтирилди.









Гендер тенглиги таъминланишида психологик ўзига хос ҳолатлар хусусида билдирилган фикрлар иштирокчиларда катта қизиқиш уйғотди. Тренинг қизиқарли интерактив ўйинлар, мунозараларга бой бўлди.