Ayollar tadbirkorlikda ham e'zozda

22.08.2016

Joriy yilning 20 avgust kuni “Hamkor” xalqaro biznes markazida “Ayollar uchun moliyaviy savodxonlik” mavzusida seminar trening o'tkazildi. Seminar treningda “Hamkorbank” ATBning Andijon viloyatida joylashgan filiallari mijozlari bo'lgan tadbirkor ayollar hamda tadbirkorlikka ishtiyoqi baland xotin-qizlar ishtirok etdilar. Seminar trening Osiyo Taraqqiyot Bankining loyihasi doirasida malaka oshirgan bankning trenerlari tomonidan olib borildi.


Seminar treningda tadbirkorlik faoliyatini tashkil qilish uchun zarur bo'ladigan dastlabki ko'nikmalar, qonuniy-me'yoriy hujjatlar, bankda hisobraqam ochish va unda muomalalarni amalga oshirish, kredit olish hamda undan samarali foydalanish bo'yicha mashg'ulotlar olib borildi. Shuningdek, seminarda bankda ayol tadbirkorlarga yaratilgan sharoitlar va bankning Gender siyosati bo'yicha ham tushunchalar berildi. 


Trenerlar seminar mavzularini ishtirokchilarga o'qitishning ilg'or texnologiyalari, jumladan, aqliy hujum, guruhlarda ishlash, munozara tarzida tushuntirdilar. Taklif etilganlar mashg'ulotlarda faol ishtirok etdilar.


Seminar yakunida qatnashchilar tashkil qilingan mashg'ulotlar uchun bank rahbariyatiga o'z minnatdorchiligini bildirdilar. Tumanlardan qatnashgan vakillar joylarda tadbirkorlikka qiziqishi bo'lgan ayollar nomidan bunday seminarlarni qishloqlarda ham tashkil qilish taklifini bildirdilar.

Hamkorbank Chet el kapitali ishtirokidagi "Hamkorbank" aksiyadorlik tijorat banki O‘zbekiston Respublikasi bank xizmatlari bozorida 1991 yildan buyon faoliyat yuritib kelmoqda. Bank 28 yil ichida Respublikaning barcha ma’muriy mintaqalarini qamrab olgan keng tarqalgan filiallar tarmogʻini shakllantirdi.
Manba: Hamkorbank
O'xshash yangiliklar
Moody’s xalqaro reyting agentligi “Kapitalbank” reytingini tasdiqladi
Moody’s xalqaro reyting agentligi “Kapitalbank” reytingini tasdiqladi

Bank cho‘ntagingizda: Uzum Media bank ilovalaridan qanday qilib xavfsiz foydalanish haqida aytib berdi
Bank cho‘ntagingizda: Uzum Media bank ilovalaridan qanday qilib xavfsiz foydalanish haqida aytib berdi

“Birinchi” kredit kartasining limiti 100 million so‘mgacha oshirildi

01.04.2024

“Birinchi” kredit kartasining limiti 100 million so‘mgacha oshirildi

Uzsanoatqurulishbank



Orphus tizimi