Балиқчилик ривожида ишончли молиявий таянч

Куни кеча балиқчилик хўжаликлари фаолияти билан яқиндан танишиш, мазкур йўналишда олиб борилаётган ишлар, соҳадаги янгиликларни кенг тарғиб қилиш юзасидан “Ипотека-банк” АТИБ мижози бўлган “Янги олтин балиқ” балиқчилик хўжалигига журналистлар ҳамда балиқчилик бўйича мутахассислар иштирокида пресс-тур ташкил этилди.

⠀
Ушбу хўжалик Тошкент вилояти Юқоричирчиқ ҳудудида жойлашган бўлиб, у томонидан 18.6 гектар майдонда балиқчилик лойиҳаси амалга оширилган.
Ташриф буюрганлар “Янги олтин балиқ” МЧЖ томонидан 2 гектар сунъий сув ҳавзаларида интенсив усулдаги замонавий ва тежамкор технологиялар ёрдамида амалга оширилаётган ишлар билан яқиндан танишдилар.

⠀
Шунингдек, журналистлар балиқчилик хўжалигида етти хазинанинг бири бўлмиш балиқ етиштиришнинг сир-синоатлари унинг ўзига хос жиҳатлари ҳақида маълумотларга эга бўлдилар.