“BANKEXPO-2016”- Bank xizmatlari, uskunalari va texnologiyalari milliy ko‘rgazmasi bo‘lib o‘tdi.

Yurtimizda kichik biznes va xususiy tadbirkorlik sub’ektlariga ko‘rsatilayotgan bank-moliya xizmatlarini targ‘ib etish va yaqindan tanishtirish maqsadida 2016 yilning 13-14 aprel kunlari  "Ko‘rgazma Savdo Markazi" majmuasida BANKEXPO-2016 Bank xizmatlari, uskunalari va texnologiyalari milliy ko‘rgazmasi bo‘lib o‘tdi.

Ko‘rgazmada ATB "Qishloq qurilish bank" tomonidan  "Sog‘lom ona va bola" Davlat dasturi hamda "BANKEXPO-2016" bank xizmatlari, uskunalari va texnologiyalari Milliy ko‘rgazmasi doirasida  kichik biznes va xususiy tadbirkorlik  sub’ektlarini   qo‘llab-quvvatlashga, shuningdek ta’lim muassasalari bitiruvchilarining ish bilan bandligini ta’minlashga qaratilgan loyihalar bo‘yicha  tanlov g‘oliblarini taqdirlash marosimi bo‘lib o‘tdi. Tanlovda  intensiv bog‘ yaratish, baliqchilik, chorvachilik, tikuvchilik va matolar ishlab chiqarish, polietilen mahsulotlari ishlab chiqarish, non va non mahsulotlari ishlab chiqarish, servis xizmatlarini ko‘rsatish, sog‘lomlashtirish markazi hamda go‘zallik salonlari kabi xizmatlar sohasini rivojlantirishga qaratilgan 180 dan ortiq loyihalar ishtirok etdi. Ularning orasidan 5 ta nominatsiya bo‘yicha sovrindorlar aniqlandi.