O'zbekiston Respublikasi Markaziy banki tomonidan mamlakatimiz Prezidentining joriy yil 6 maydagi “Tijorat banklarining moliyaviy barqarorligini yanada oshirish va ularning resurs bazasini rivojlantirish chora-tadbirlari to'g'risida”gi qarori ijrosiga bag'ishlangan seminar tashkil etildi.
Anjumanda Respublika bank tuzilmalarining 300 dan oshiq rahbar va mas'ul xodimlari ishtirok etdi.
Ta'kidlandiki, mamlakatimiz rahbarining mazkur qarori bilan Markaziy bank tomonidan O'zbekiston banklari Assotsiatsiyasi va tijorat banklari hamkorligida ishlab chiqilgan Tijorat banklarining moliyaviy barqarorligi va likvidligini yanada oshirish, ularning resurs bazasini rivojlantirish kompleks chora-tadbirlari tasdiqlandi.
Seminarda Respublika banklariga xalqaro me'yorlar va standartlarga muvofiq, xususan depozit va kredit siyosati bo'yicha qo'yiladigan me'yoriy talablarni takomillashtirish masalalari taqdimoti namoyish etildi.
Bundan tashqari, tijorat banklarida korporativ boshqaruv metodlarini takomillashtirish, jumladan, xorijiy mamlakatlarning etakchi banklari va moliya tashkilotlaridagi boshqaruv tizimini teran o'rganish asosida tavakkalchiliklarni boshqarish va ichki nazoratni yaxshilash masalalari ko'rib chiqildi.
Seminar davomida mamlakatimiz banklarining barqaror faoliyatini yanada mustahkamlash borasida qator fikrlar bildirildi va ular umumlashtirilgan holda seminarning yakuniy hujjatida aks ettirildi.
www.cbu.uz
25.10.2024
Kapitalbank Uzcard versiyasiga ko'ra korporativ biznesni rivojlantirish bo'yicha yetakchiga aylandi
24.10.2024
Plum Tech UZCARD EXPO 2024 da: moliyaviy imkoniyatlarni o‘zgartiruvchi texnologiyalar
24.10.2024
ATTO EXPO 2024 UZCARDda: Transport kartalaridan foydalanish bo‘yicha yechimlarni namoyishi
Banklar salohiyati oshirilmoqda