JET: Hamster Kombat savdosi boshlandimi? Batafsil

Barmoq izi asosida himoyalanadi

29.01.2018

O‘zbekiston Respublikasi Prezidentining 2017 yil 12 sentabrdagi “Respublika bank tizimini yanada rivojlantirish va barqarorligini oshirish chora-tadbirlari to‘g‘risida”gi Qarori orqali tijorat banklarini ilg‘or bank amaliyoti asosida faoliyat yuritadigan tizimga aylantirish, ularning resurs bazasini mustahkamlash, aholining bank sohasiga ishonchini yanada kuchaytirish, xizmat turlarini kengaytirish, bank xizmatlari jozibadorligini va sifatini oshirish masalalari respublika tijorat banklari oldidagi ustuvor vazifalar qilib belgilandi.

Mazkur Qaror ijrosini ta’minlash doirasida ATB “Qishloqqurilishbank” tomonidan “Biometrik identifikatsiyalash” dasturiy tizimidan keng foydalanib kelinmoqda. Bu tizim “Fuqarolarning banklardagi omonatlarini himoyalash kafolatlari to‘g‘risida”gi Qonun asosida fuqarolarning bankdagi omonatlarini himoyalashni yanada kuchaytirish, omonatlar bilan bog‘liq operatsiyalarni mijozlarning ishtirokisiz amalga oshirilmasligini qat’iy nazoratga olish maqsadida joriy qilingan.

Bunda omonatlar daxlsizligini ta’minlash uchun shaxsning barmoq izlari namunasidan foydalaniladi. Amaliyot ko‘rsatmoqdaki, “Biometrik identifikatsiyalash” dasturiy tizimi bugungi kunda eng ishonchli usullardan biri hisoblanadi. Tizim quyidagi afzalliklarga ega:

•      omonat hisob-varaqlaridagi mablag‘lar bilan bog‘liq barcha operatsiyalarni omonat egasi bo‘lgan mijozning bevosita
       ishtirokisiz amalga oshirish imkoni bo‘lmaydi;
•      omonat mablag‘lariga nisbatan bank xodimlarining daxlsizligi ta’minlanadi;
•      omonatchilarning omonat mablag‘larini xavfsiz va but saqlanishini ta’minlaydi.

Bu kabi zamonaviy xizmatlar ATB “Qishloqqurilishbank” omonatchilari soni yildan-yilga muttasil oshib borishini ta’minlamoqda. Bank tomonidan ayni vaqtda 20 ta doimiy omonat turlariga mablag‘lar jalb etilmoqda. 2018 yil 1 yanvar holatiga jami omonatlar qoldig‘i 338,5 mlrd. so‘mni tashkil qilib, yil boshiga nisbatan 53,8 foizga o‘sishga erishildi.

“Qishloqqurilishbank” – farovon hayotingiz xizmatida!

Qo‘shimcha ma’lumot uchun:

(+99871) 150-93-39, 150-72-58, www.qqb.uz



Bank axborot xizmati

BRB
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi



Orphus tizimi