2020 йилнинг 9 ноябрь куни «Ипотека банк» акциядорлик тижорат ипотека банки Лондон фонд биржасида 5 йиллик халқаро облигацияларни чиқараётганини маълум қилди. Бу банкнинг халқаро капитал бозорида тўлақонли иштирокчиси бўлиш имконини берди. «Ипотека банк» акциядорлик тижорат ипотека банки MUFG (Япония), JP Morgan (АҚШ), Societe Generale (Франция), Raiffeisen Bank International (Австрия), Societe Generate (Франция) каби халқаро инвестиция банкларининг тавсиялари асосида евробондларни чиқаришга тайёрланаётган эди.
10-12 ноябрь кунлари дунёдаги 50 дан ортиқ сармоядорлар билан учурашув ва музокаралар ўтказилди. Уларда бугунги кунда мамлакатимизда амалга оширилаётган банк ислоҳотлари, жумладан ҳукуматимизнинг йирик тижорат банкларини капиталлаштириш стратегияси, уларни хусусийлаштириш истиқболлари, кредит сиёсати, келгусида кутилаётган активларнинг ўзгариши, шунингдек, соҳанинг ривожланиш суръатлари муҳокама қилинди.
Йирик инвесторлар сўнгги йилларда банкнинг трансформацияси ва Халқаро Молия Корпорацияси билан ҳамкорлигига алоҳида эътибор қаратди.
Жорий йилнинг 12 ноябрь куни молиявий андеррайтер-маслаҳатчилар дастлабки фоиз ставкасини Лондон вақти билан 9:00 да 5,625% даражасида ўрнатишди. Талабномалар китоби очиқ деб эълон қилинди ва айни пайтда инвесторлардан талабномалар қабул қилинмоқда.
Батафсил маълумотлар талабномалар китоби ва халқаро облигациялар прайсинги ёпилганидан сўнг тақдим этилади.
04.09.2024
1-yarim yillik yakuniga ko‘ra, Kapitalbankning sof foydasi 775 milliard so‘mdan oshdi.
19.08.2024
Moneysend bilan Mastercard kartalariga tezkor pul o‘tkazmalari!
16.08.2024
ZOOD Mastercard va Ipak Yo‘li Banki bilan birgalikda O‘zbekistonda birinchi muddatli to‘lov virtual kartasini taqdim etadi
Беш йиллик халқаро облигацияларни чиқараётганимизни маълум қиламиз