CAFA va Sun’iy intellekt va raqamli iqtisodiyotni rivojlantirish markazi hamkorlik Memorandumini imzoladi

Toshkent shahrida Central Asian Fintech Association (CAFA) va O‘zbekiston Respublikasi Raqamli texnologiyalar vazirligi huzuridagi Sun’iy intellekt va raqamli iqtisodiyotni rivojlantirish markazi o‘rtasida hamkorlik Memorandumi imzolandi.

Memorandum “Sun’iy intellekt va raqamli iqtisodiyotni rivojlantirish markazi” direktori Kravchenko Vladimir Vladimirovich, hamda CAFA raisi Otabek Nasirovlar tomonidan imzolandi.

Mazkur hamkorlik 2025 yil 10 iyuldagi 425-sonli Vazirlar Mahkamasi qarorida belgilangan 2025–2026 yillarda sun’iy intellekt texnologiyalarini rivojlantirish vazifalariga mos ravishda amalga oshirilmoqda.

Hamkorlik quyidagi yo‘nalishlarni qamrab oladi:

• fintex ekotizimini va raqamli infratuzilmani rivojlantirish;
• raqamli moliya sohasida pilot loyihalarni joriy etish;
• sun’iy intellekt, katta ma’lumotlar, mashinaviy o‘qitish va kiberxavfsizlik bo‘yicha qo‘shma tadqiqotlar o‘tqazish;
• ESG tamoyillariga mos moliyaviy mexanizmlarni rivojlantirish;
• mutaxassislar, regulyatorlar va startaplar uchun ta’lim dasturlarini tashkil etish;
• raqamli iqtisodiyot bo‘yicha qo‘shma analitik hisobotlar va tavsiyalar tayyorlash.

Ushbu Memorandum O‘zbekiston va Markaziy Osiyoda sun’iy intellekt asosidagi innovatsiyalar hamda barqaror fintex rivoji uchun mustahkam institutsional asos yaratadi.