DIQQAT E’LON! Xalq bankining asosiy dasturlarida vaqtincha to‘xtalish bo‘ladi

2020 yilda Xalq bankida axborot texnologiyalarini joriy qilish maqsadida bankning yagona korporativ tarmog‘ini tashkil etish rejalashtirilayotgani va bu boradagi yangilanishlar jadallik bilan amaliyotga tatbiq etilayotgani haqida xabar bergandik.

Bugungi kunga kelib yangi tizimni amaliyotga joriy etish bo‘yicha ishlar to‘liq yakunlangan bo‘lib, yagona mijozlar bazasi yaratildi. Shunga ko‘ra mijozlar yagona mijozlar bazasiga o‘tkazilayotganligi sababli Xalq banki dasturlari 19-22 fevral kunlari vaqtincha to‘xtatiladi. 

Ushbu tizim mijozlar uchun ko‘plab qulayliklarni taqdim qiladi. Ya’ni, mijozlarga o‘z hisobraqamlari bo‘yicha bankning barcha filiallarida xizmat ko‘rsatish imkoniyati yaratiladi. Masalan, mijoz Andijon viloyatining bir tumanida omonatga mablag‘ qo‘ygan bo‘lsa, unga o‘sha omonati bo‘yicha Xorazm viloyatining Urganch shahri filialida ham xizmat ko‘rsatish mumkin bo‘ladi.