Европа тикланиш ва тараққиёт банкининг “Woman in bussines CA” (WIBCA) дастури доирасида Ипотека-банкда экспертлар билан учрашувлар бўлиб ўтди

“Ипотека–банк” АТИБ томонидан Ўзбекистондаги тижорат банклари орасида биринчилардан бўлиб, Европа тикланиш ва тараққиёт банкининг “Woman in bussines CA” (WIBCA) дастури доирасида 10 миллион АҚШ доллар миқдоридаги кредит линиясини жалб қилинган.

Ушбу дастур асосида “қарз олувчилар учун техник ҳамкорлик” ва “кичик бизнес учун маслаҳат бериш” тадбирлари кўзда тутилган бўлиб, бугунги кунда ушбу йўналишда ҳам бир қатор ишлар амалга оширилмоқда.  

Хусусан, ЕТТБ консультантлари билан биргаликда лойиҳани амалга ошириш мақсадида савдо, маркетинг, риск ва IT йўналишлари бўйича малакали мутахассислардан иборат ишчи гуруҳ тузилган бўлиб, ҳозирда ушбу гуруҳ Ипотека-банкка ташриф буюрган.

Гуруҳ таркибига киритилган ЕТТБ экспертлари Андреас Франкке (гуруҳ раҳбари), Иноятхон Садикова ва Лола Умарова банкка ташриф буюриб, дастур юзасидан амалга оширилаётган ишлар билан яқиндан танишишмоқда. Шунингдек, улар дастур бўйича масъуллар ўртасида давра суҳбатлари ташкил этилиб, унда дастур юзасидан ўзаро билан фикрлар алмашишлди ҳамда дастурни ривожлантириш бўйича таклифлар муҳокама қилинди.

Шу билан бирга, экспертлар филиал раҳбарлари билан WIBCA дастури бўйича онлайн-масофавий тарзда семинар-тренинглар ташкил этилди.