Fitch Kapitalbankning reytingini "Ijobiy" prognoz bilan tasdiqladi

Xalqaro reyting agentligi Fitch Ratings Kapitalbankning kredit reytingini "B" darajasida qayta tasdiqladi va prognozni "Barqaror"dan "Ijobiy"ga o‘zgartirdi.

Mutaxassislar mamlakat umumiy iqtisodiy o‘sishi fonida bankning mavqei mustahkamlanayotganini, shuningdek, uning moliyalashtirish va likvidlik ko‘rsatkichlari barqaror ekanligini ta’kidlamoqda.

So‘nggi to‘rt yil davomida bank yuqori daromadlilikni namoyish etdi, 2024-yilda esa Kapitalbank KO’Bni  kreditlash hajmini ikki baravarga ko‘paytirdi hamda ta’minlangan iste’mol kreditlari ulushini sezilarli darajada oshirdi. Bank biznes modelining faol transformatsiya sharoitida aktivlarning muvozanatli o‘sishi va barqaror sifatini ta’minlash maqsadida kredit xavfini baholashda konservativ yondashuvga amal qilmoqda.

Xalqaro tahlilchilarning prognozi yaxshilanishi kredit portfelini diversifikatsiya qilish, foyda va aktivlar sifatining barqaror ko‘rsatkichlarini saqlash, shuningdek O‘zbekistondagi qulay iqtisodiy vaziyat bo‘yicha izchil olib borilgan ishlar natijasi bo‘ldi. Biroq biz uchun eng muhimi - bu bank ishonchli moliyaviy hamkor bo‘lib kelgan va shunday bo‘lib qoladigan millionlab mijozlarning ishonchidir. Kapitalbank jamoasi tadbirkorlar va xususiy mijozlar uchun ilg‘or moliyaviy xizmatlarni yaratishni davom ettiradi, mamlakat bozorida o‘z mavqeini mustahkamlaydi va natijada xalqaro reytinglarda ham o‘z o‘rnini yuksaltiradi - deydi Boshqaruv raisi Kirill Mayevskiy

Kapitallashuv maqbul darajada saqlanmoqda va uning yanada mustahkamlanishi kutilmoqda. Likvidlik va omonatlar bazasi barqaror holatda.

Fitch Ratings reyting agentligi haqida

Fitch Ratings agentligi kredit reytinglari, tahliliy tadqiqotlar va sharhlar sohasida liderlardan biri hisoblanadi. U Standard & Poor’s va Moody’s bilan birgalikda dunyoning eng nufuzli reyting agentliklarining "katta uchligi"ga kiradi. Agentlik moliyaviy institutlar, banklar, sug‘urta kompaniyalari, korporatsiyalar, davlatlar va munitsipal tuzilmalarga reytinglar beradi.