Fitch Ratings agentligi «Qishloq qurilish bank» reytingini «Barqaror» deb baholadi

Fitch Ratings xalqaro reyting agentligining 2020 yil 3 avgustdagi ma’lumotiga asosan, ATB «Qishloq qurilish bank»ning xalqaro reytingi «BB-/Barqaror» (barqaror rivojlanayotgan moliyaviy muassasasi) darajasida tasdiqlandi.

Bu mazkur bank tomonidan erishilayotgan yuqori iqtisodiy ko‘rsatkichlarning yana bir xorijiy e’tirofidir.

ATB «Qishloq qurilish bank» o‘z infratuzilmalari tarmog‘i va xizmatlar ko‘lamini kengaytirish orqali aholini sifatli xizmatlar bilan ta’minlashga intilmoqda. Buning samarasi o‘laroq, mijozlar soni muttasil o‘sib borishiga erishilmoqda.

2020 yilning 1 avgust holatiga ko‘ra, bankning umumiy kapitali 2 334,2 mlrd. so‘mni tashkil etgani holda yil boshiga nisbatan 888,3 mlrd. so‘mga ortdi. Hisobot davriga bankning shakllangan ustav kapitali 1 855,2 mlrd. so‘mni tashkil etmoqda. Bankdagi jami depozitlar miqdori 3 301,0 mlrd. so‘mni jumladan, qisqa muddatlisi 684,4 mlrd. so‘mni, uzoq muddatlisi 2 616,6 mlrd. so‘mni tashkil etdi. E’tiborlisi, yil boshiga nisbatan jami depozitlar miqdori 17,9 foizga, uzoq muddatli depozitlar esa 503,3 mlrd. so‘mga yoki 24,0 foizga oshgan.

Zamonaviy xizmatlarni joriy etish orqali mijozlar ishonchini qozonish kelgusida ham «Qishloq qurilish bank» faoliyatining ustuvor maqsadi bo‘lib qoladi.

Manba:www.uza.uz