JET: Endi komissiyasiz kartadan kartaga 57 mln so'mgacha o'tkazish mumkin Batafsil

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024
Reytingni tuzish chog‘ida "Fitch Ratings" tahlilchilari bankning rivojlanayotgan biznes modeli, barqaror moliyaviy ko‘rsatkichlari, shuningdek, yuqori rentabellik va likvidlikning yetarli darajada qoplanishini qayd etdilar.

2024-yil 3-iyul kuni "Fitch Ratings" xalqaro reyting agentligi "Kapitalbank"ga xorijiy valyutadagi uzoq muddatli emitent defolt reytingini (IDR) “B” darajasida barqaror prognoz va “b” barqarorlik reytingi bilan berdi.

Agentlik tomonidan e’lon qilingan xabarda so‘nggi 3 yildagi bank foydasining yuqori o‘sish sur’ati, kapital rentabelligi 50 foiz, kreditning depozitga nisbati 90 foiz, bu ko'rsatkich bozor uchun o‘rtacha 200 foiz, ekanligi qayd etilgan, shuningdek,  muammoli kreditlarning 1,7% past koeffitsienti, bu sektordagi eng past ko'rsatkichlardan biridir.

– Muvaffaqiyatimiz yetakchi xalqaro reyting agentliklaridan biri Fitch Ratings tomonidan e’tirof etilganidan mamnunmiz, – deydi "Kapitalbank" boshqaruvi raisi Kirill Mayevskiy. – Biz tanlagan, bozorning yangi segmentlariga e’tibor qaratish va likvidlikni oqilona boshqarishni o‘z ichiga olgan rivojlanish strategiyasi Kapitalbankga barqaror o‘sish va moliyaviy ko‘rsatkichlarning barqarorligini ta’minlashda davom etishiga ishonchimiz komil.

Fitch Ratings prognoziga ko'ra, "Kapitalbank" o'rtachadan yuqori sur'atlarda o'sishda davom etadi (2024-2026 yillarda yiliga 20-25%).

"Kapitalbank" mamlakatdagi eng yirik xususiy bank hisoblanadi. Bank mijozlari orasida 2 milliondan ortiq chakana xizmat mijozlari va 80 mingdan ortiq kompaniya va tadbirkorlar bor. Respublikamizning barcha hududlarida "Kapitalbank"ning 100 dan ortiq filial va ofislari faoliyat ko‘rsatmoqda.

Fitch Ratings reyting agentligi haqida

Fitch Ratings— kredit reytinglari, tahliliy tadqiqotlar va sharhlar sohasida yetakchilardan biri hisoblanadi. Standard & Poor's va Moody's bilan birgalikda u dunyodagi eng nufuzli reyting agentliklari "katta uchligi"ning biridir. Moliyaviy institutlar, banklar, sug'urta kompaniyalari, korporatsiyalar, davlatlar va munitsipalitetlarga reytinglar beradi.
Kapitalbank Kapitalbank aksiyadorlik tijorat banki 2001-yilda tashkil topgan. Faoliyat ko‘rsatishni boshlagandan buyon bank jadal sur'atlarda rivojlandi. Korporativ mijozlarga xizmat ko‘rsatish sohasi bilan bir qatorda chakana segmentda ham yuqori o‘sish sur'atlariga erishdi. Hozirda Kapitalbank ATB O‘zbekistonning eng yirik tijorat banklaridan biri, universal va ishonchli moliya instituti hisoblanadi. Bank to‘liq hajmda yuqori sifatli zamonaviy bank xizmatlarini ko‘rsatadi, o‘z mijozlari va sheriklarining barcha ehtiyoj va xohish-istaklarini imkon qadar qoniqtirishga intiladi.
O'xshash yangiliklar
Kapitalbank Top EmployersInstitute talqini bo‘yicha O‘zbekistonning eng yaxshi ish beruvchisi maqomini yana bir bor tasdiqladi

07.07.2025

Kapitalbank Top EmployersInstitute talqini bo‘yicha O‘zbekistonning eng yaxshi ish beruvchisi maqomini yana bir bor tasdiqladi

 Fitch Kapitalbankning reytingini "Ijobiy" prognoz bilan tasdiqladi

01.07.2025

Fitch Kapitalbankning reytingini "Ijobiy" prognoz bilan tasdiqladi

 Kapitalbank investitsiyalari – O‘zbekiston yoshlari kelajagiga sarmoya

30.06.2025

Kapitalbank investitsiyalari – O‘zbekiston yoshlari kelajagiga sarmoya



Orphus tizimi