O'zbekistondagi banklarning qo'llab-quvvatlash xizmatlari reytingi Batafsil

Hamkorbank farzandlarimizning moliyaviy jihatdan ham savodxon bo‘lishini istaydi

10.05.2021
Hamkorbank farzandlarimizning moliyaviy jihatdan ham savodxon bo‘lishini istaydi«Global Money Week» pul haftaligi doirasida, O‘zbekiston Respublikasi Markaziy banki hamda «Hamkorbank» ATB tomonidan umumta’lim maktablari o‘rtasida o‘tkazilayotgan Moliyaviy savodxonlikni oshirishga qaratilgan tadbirlarning navbatdagisi Andijon shahridagi 5-umumta’lim maktabida bo‘lib o‘tdi. 

Informatika fani o‘qituvchisi Gulpari Sharipova o‘z darsini noan’anaviy tarzda olib bordi. U bank xodimi sifatida 9-sinf o‘quvchilariga moliyaviy savodxonlik o‘zi nima, bank, uning asosiy maqsadi, bank xizmatlaridan foydalanishning muhim jihatlari xususida ma’lumot berdi. 

Ochiq muloqot shaklida tashkil etilgan darsda o‘quvchilar puldan maqsadli foydalanish borasida nechog‘li bilim va ko‘nikmalarga ega ekanliklarini namoyish etdilar. Turmush tarzini yaxshilash, hayot sifatini oshirishga xizmat qiluvchi, turli maqsadlarga taqdim etilayotgan kreditlarning ahamiyati, undan maqsadli foydalanishning zarurati muhokamalarning bosh mavzusi bo‘ldi. 

35-davlat ixtisoslashtirilgan maktabida Moliyaviy savodxonlik darsi noana’naviy tarzda tashkil etilganligi bilan e’tiborni tortdi. O‘quvchilar guruhlarga bo‘lingan holda mavzuni puxta o‘zlashtirishga harakat qildilar. Matematika fani o‘qituvchisi Muattar Nishonova aqlni charxlovchi misollar yordamida 9-sinf o‘quvchilarining kelgusi hayotida muhim ahamiyat kasb etuvchi pulni jamg‘arish, undan oqilona foydalanishning asosiy jihatlarini tahlil qilib berdi.  Tadbir ishtirokchilari tomonidan tayyorlangan ijodiy ishlar, ularning taqdimoti darsning yanada qiziqarli va esda qolarli bo‘lishini ta’minladi. 
 
«Moliyaviy savodxonlik bo‘yicha eng yaxshi dars» nominatsiyasi bo‘yicha g‘oliblikni kim qo‘lga kiritadi? Ushbu savolga joriy yilning 20 may kuni javob beriladi.

Eslatib o‘tamiz, tanlovda g‘olib bo‘lganlarga Hamkorbank'ning maxsus sovg‘alari taqdim etiladi. 

Umumta’lim maktablarida moliyaviy savodxonlikni oshirishga qaratilgan tadbirlar davom etmoqda. 

Hamkorbank - 30 yil Siz bilan birga!
Hamkorbank Chet el kapitali ishtirokidagi "Hamkorbank" aksiyadorlik tijorat banki O‘zbekiston Respublikasi bank xizmatlari bozorida 1991 yildan buyon faoliyat yuritib kelmoqda. Bank 28 yil ichida Respublikaning barcha ma’muriy mintaqalarini qamrab olgan keng tarqalgan filiallar tarmogʻini shakllantirdi.
Manba: Hamkorbank
O'xshash yangiliklar
Коррупцияга қарши комплаенс-назорат тизими фаолиятини такомиллаштиришга қаратилган семинар

23.08.2021

Коррупцияга қарши комплаенс-назорат тизими фаолиятини такомиллаштиришга қаратилган семинар

cbu.uz

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

20.08.2021

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

cbu.uz

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

20.08.2021

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

cbu.uz



Orphus tizimi