“Hamkorbank” OATB aholining bankka bo’lgan ishonchini orttirish va ularga qo’shimcha qulayliklar yaratish maqsadida joriy yilning 14 mart kunidan boshlab saqlash muddati 12 oy, yillik 16 foiz ustama hisobidan daromad to’lash sharti bilan "TEJAMKOR" qisqa muddatli omonat turini joriy qildi.
Omonatga milliy valyuta - sumda mablag’lar qabul qilinadi. Omonatning quyi va yuqori summasi cheklanmagan.
Omonat turiga mablag’ qo’yilgan kunning ertasidan boshlab, omonat qoldig’iga yillik 16 foiz hisobidan foiz daromadi hisoblanadi. Hisoblangan foizlar omonat qoldig’iga qo’shib borilmaydi, ya'ni kapitalizasiya qilinmaydi.
Omonat turi bo’yicha hisoblangan foiz daromadlari har oy yakunida kommunal to’lovlari uchun naqd pulsiz yo’l bilan o’tkazib beriladi.
"Tejamkor" omonatining afzalliklari:
- Bank o’z mijozlarini har oyda kommunal to’lovlarni amalga oshirish uchun bankka qatnashdek zaruriyatdan ozod etadi;
- Bank kommunal xizmatlar uchun belgilangan tarif asosida o’z vaqtida to’lovni amalga oshirish mas'uliyatini o’z zimmasiga oladi;
- Omonatchi jamg’arilgan daromad foizi hisobiga omonat muddati yakunida barcha kommunal to’lovlarni har oyda to’lab boradi.
"Tejamkor" qisqa muddatli omonat turiga aholi mablag’larini qabul qilish "Hamkorbank" OATBning barcha filial va minibanklari orqali yuqoridagi shart va qoidalar asosida amalga oshiriladi.
"Hamkorbank" OATB da depozit hisobvaraqlariga joylashtirilgan pul mablag’lari "Fuqarolarning
banklardagi omonatlarini himoyalash kafolatlari to’g’risidagi O’zbekiston Respublikasi qonuniga
muvofiq davlat tomonidan himoyalangan. Omonatlar soliq va majburiy to’lovlardan ozod qilinadi,
mablag’lar manbalari deklerasiya qilinmaydi va bank siri hisoblanadi.
25.10.2024
Kapitalbank Uzcard versiyasiga ko'ra korporativ biznesni rivojlantirish bo'yicha yetakchiga aylandi
24.10.2024
Plum Tech UZCARD EXPO 2024 da: moliyaviy imkoniyatlarni o‘zgartiruvchi texnologiyalar
24.10.2024
ATTO EXPO 2024 UZCARDda: Transport kartalaridan foydalanish bo‘yicha yechimlarni namoyishi
”Hamkorbank” kommunal to’lovlar uchun yangi omonatni joriy etdi