«Hamkorbank» OATB Toshkent shahrining Chilonzor tumanida bank faoliyatini amalga oshirish uchun O’zbekiston Respublikasi Markaziy Banki tomonidan taqdim etilgan ruxsatnomaga ega bo’ldi. Yaqin kunlarda bank filiali o’z ishini boshlaydi.
Hamkorbankda 28chi hisoblangan «Chilonzor» manzili Toshkent shahri, Chilonzor tumani, D-20a mavzesida joylashgan.
Yangi filial o’z faoliyati davomida aholiga, kichik biznes va xususiy tadbirkorlik subyektlari, korporativ mijozlarga xizmat ko’rsatishdan iborat.
Filial mijozlari quyidagi zamonaviy bank xizmatlaridan foydalanishlari mumkin: keng turdagi omonatlar, pul o’tkazmalari amaliyoti, plastic kartalar xizmati, yuridik va jismoniy shahslar uchun hisob va hisobotlar, xalqaro amaliyotlar, kreditlash.
Kichik biznes va xusussiy tadbirkorlikni moliyalashtirish va uni rivojlantirishni qo’llab-quvvatlash filial faoliyatining asosiy mezoni hisoblanadi.
«Hamkorbank»da yana bir filialning ochilishi- bu bankda filial tarmog’ini yanada rivojlantirish va aholiga sifatli bank xizmatlarini taqdim etish borasida olib borilayotgan ishlarning navbatdagi samarasidir.
«Hamkorbank» Toshkentda «Chilonzor» filiali ochish bo’yicha litsenziya oldi