Hujjatlar kreditlarning qaytish xavfsizligini ta’minlaydi

Bu haqda kuni kecha Xalq bankining “Bankirlar trening maktabi”da bo‘lib o‘tgan “Kredit yig‘majildlarini markazlashgan holda saqlash va boshqarmaga topshirish” mavzusidagi seminar-treningda ta’kidlab o‘tildi.

Xalq banki hududiy filiallarida kredit yig‘majildlarini markazlashgan holda saqlash yuzasidan mas’ul xodimlar bilimini oshirishga qaratilgan seminarda bankning hududiy filiallari Kredit monitoringi va muammoli kreditlar bilan ishlash bo‘limi boshliqlari ishtirok etdi.

Seminar-treningda Kredit yig‘majildlarini markazlashgan holda saqlashni tashkil etish boshqarmasi boshlig‘i A. Erkinov, Kreditlar monitoringi va muammoli kreditlar bilan ishlash departamentidan Z. Yakubov  va Risk tahlili va stress-testlash departamenti  direktori B. Alimovlar tomonidan “Kredit yig‘ma jildlarini Markaziy apparatga keltirishda mas’ullarning roli”, “Ehtiyotsizlik oqibatida shikast yetkazilgan yoki yo‘qotilgan kredit yig‘majild hujjatlarini qayta tiklash yuzasidan tushunchalar berish” mavzularida amaliy mashg‘ulotlar o‘tkazildi.

Bank Axborot xizmati