INFOKIOSKLAR AHOLI XIZMATIDA

Bank tomonidan aholiga plastik kartochkalar orqali to‘lovlarni amalga oshirishda  yanada qulay shart-sharoitlar yaratish, ko‘rsatiladigan xizmatlar ko‘lamini kengaytirish maqsadida, oktyabr oyi davomida qo‘shimcha 30 dona infokiosklar keltirilib, birinchi navbatda bankning barcha filiallari ta’minlanib, respublikaning aholi gavjum joylari, savdo majmualari, supermarketlarga joylashtirildi.

Bugungi kunda, bankning o‘z-o‘ziga xizmat ko‘rsatuvchi infokiosklar tarmog‘i 121 ta infokiosk va 5 dona bankomatlardan iborat. Foydalanilayotgan mazkur jihozlar orqali plastik kartochkalar to‘g‘risida ma’lumot olish hamda turli to‘lovlarni amalga oshirish imkoniyatlari mavjud. Ushbu tarmoq orqali qo‘shimcha bank xizmatlarini joriy etish maqsadida jismoniy shaxslarning bankdan olingan kreditlarining asosiy qarz va foizlari uchun tulovlarni qabul kilish tizimi yulga qo‘yilgan.