“Ипотека–банк” АТИБ раҳбар ходимлари учун навбатдаги семинар

Жорий йилнинг 9 апрель куни “Ипотека–банк” АТИБ раҳбар ходимлари учун Халқаро экспертлар томонидан “Гендер тенглик ва молиявий имкониятлар” мавзусида онлайн семинар ўтказилди.

Семинар ЕТТБ нинг “Women in Business” (“Бизнесдаги аёллар”) дастури раҳбари Андрес Франкэ (Andreas Francke) ҳамда етакчи халқаро эксперт Кэтлин Тобин (Cathleen Tobin) томонидан олиб борилди. Барча филиалларимиз раҳбар ходимлари Zoom дастури орқали масофадан туриб ушбу семинарда қатнашдилар.

Семинар давомида рахбар ходимларнинг аёллар билан ишлашда уларнинг гендер тенглигини таъминлаш, аёлларнинг иқтисодиётдаги ўрни, уларнинг мамлакат ривожланишига қўшаётган ҳиссаси, тадбиркорлик йўналишаларида хотин-қизларнинг фаолллигини ошириш орқали иқтисодиётнинг фойдаланилмаган имкониятларидан фойдаланиш каби масалаларга алоҳида тўхталиб ўтилди. Шунингдек, тадбир давомида аёлларнинг замонавий ахборот технологияларидан фойдаланган холда ўз бизнесларини янада ривожлантиришларига алохида эътибор қаратилди.

Тадбир давомида иштирок этувчиларнинг саволларига мутахассислар томонидан жавоблар берилди.

Бу каби семинар-тренинглар келгусида банк ходимлари ва мижозлари учун ҳам ўтказилиши келишиб олинди.