Ипотека-банк олтин ва кумуш эсдалик тангаларини сотувга чиқарди.

Аҳолининг инвестиция ва жамғариш имкониятларини кенгайтириш,  мамлакатда қимматбаҳо металлар бозори фаолиятини ривожлантириш мақсадида ҳамда жаҳон тажрибаси ва амалиётидан келиб чиқиб,  Ўзбекистон Республикаси Марказий банки олтин ва кумушдан тайёрланган эсдалик тангаларни муомалага чиқариш бўйича тажриба лойиҳасини амалга оширмоқда. 

Сотувга 1994-2009 йилларда зарб этилган,  2 хил турдаги олтин ҳамда 14 хил кумуш эсдалик тангалари қўйилган бўлиб,  уларнинг асллик даражаси 999, 9 ҳамда оғирлиги 31, 1 граммдан иборат. 

Сотувга жами банкнинг Қашқадарё филиалидан томонидан 50 та олтин ва 261 та кумуш тангалари,  Тошкент шаҳри Меҳнат филиали томонидан 50 та олтин ва 269 дона кумуш эсдалик тангалари қўйилган.  Мазкур эсдалик тангалар уларнинг техник хусусиятларини тасдиқловчи асллик сертификатлари билан сотувга чиқарилади.  Тангалар “ПРООФ” сифатига мувофиқ тайёрланган. 

Есдалик тангаларни сотиш нархи Марказий банк томонидан ҳар ҳафтада камида бир марта миллий валютада белгиланади. 

2018 йил 28 ноябрдан бошлаб эсдалик тангаларини нақд ва нақд пулсиз ҳисоб-китоблар асосида сотиб олиш мумкин.