Тошкент вилояти Қуйичирчиқ тумани “Ибрат” МФЙда истиқомат қилувчи бир гуруҳ фуқаролар номидан кўп қаватли арзон уй-жойлар учун ажратилган ипотека кредити бўйича тижорат банки томонидан шартнома шартларига амал қилинмаётганлиги юзасидан Марказий банкка мурожаат келиб тушди.
Мурожаатни жойига чиқиб ўрганиш мақсадида Марказий банкнинг Банк хизматлари истеъмолчиларининг ҳуқуқларини ҳимоя қилиш хизмати ҳамда тижорат банки масъуллари мурожаатчилар истиқомат қилаётган маҳаллага бориб, улар билан суҳбатлашишди.
Учрашув давомида фуқароларнинг кредит шартномаси шартлари юзасидан билдирилган фикр ва эътирозлари тингланди. Дастлабки ўрганишда фуқароларда кредит шартномаларининг нусхаси йўқлиги, кредитга фоиз ҳисоблаш тартибидан ҳамда кредит шартномаси бўйича ҳуқуқ ва мажбуриятларидан тўлиқ хабардор эмасликлари маълум бўлди. Уларга бу хусусида батафсил ҳуқуқий маслаҳатлар берилди. Мазкур мурожаатнинг қонуний ҳал этилиши назоратга олинди.
O'zR MB
O‘zbekiston Respublikasining «O‘zbekiston Respublikasining Markaziy banki to‘g‘risida»gi Qonuni 3-moddasiga muvofiq Markaziy bank yuridik shaxs bo‘lib, u davlatning mutlaq mulkidir va o‘z xarajatlarini o‘zining daromadlari hisobidan amalga oshiradi. Markaziy bank o‘z vakolatlari hamda vazifalari doirasida davlat hokimiyati va boshqaruvining boshqa organlaridan mustaqil ravishda qarorlar qabul qiladi.
O‘zbekiston Respublikasining «Banklar va bank faoliyati to‘g‘risida»gi Qonuni 4-moddasiga muvofiq O‘zbekiston Respublikasi Markaziy banki bank faoliyati sohasini tartibga soluvchi va litsenziyalash, tartibga solish hamda prudensial nazorat bo‘yicha vakolatlarni amalga oshiruvchi davlat organidir.
Ипотека кредити юзасидан фуқаролар мурожаати жойига бориб ўрганилди