Jismoniy va yuridik shaxslarning murojaatlari doimiy e’tiborda

Joriy yilning 19 oktyabr kuni ATB “Qishloq Qurilish bank”da “Jismoniy va yuridik shaxslarning murojaatlari to‘g‘risida”gi qonuni (yangi tahriri) mazmun-mohiyatiga bag‘ishlangan tadbir bo‘lib o‘tdi.

Bankning markaziy idora xodimlari ishtirokida o‘tkazilgan tadbirda O‘zbekiston Respublikasining 2017 yil 11 sentyabrda qabul qilingan «Jismoniy va yuridik shaxslarning murojaatlari to‘g‘risida»gi yangi tahrirdagi Qonunning mazmun mohiyati hamda unga kiritilgan o‘zgartirishlar to‘g‘risida so‘z yuritildi.

– Bugungi kun talablaridan kelib chiqqan holda, qonunda elektron shaklda murojaat qilish huquqiy jihatdan mustahkamlandi. Endilikda jismoniy va yuridik shaxslar belgilangan tartibda axborot-kommunikatsiya texnologiyalaridan foydalangan holda ATB “Qishloq qurilish bank” Ishonch nomerlari hamda Boshqaruvi raisining vertual qabulxonasiga murojaat qilishlari mumkin – deydi bankning Jismoniy va yuridik shaxslarning murojaatlari bilan ishlash boshqarmasi katta yuristkonsulti S.Saburov.

Bank axborot xizmati